సంచలన నిర్ణయం తీసుకున్న మరో బిగ్ బాస్ బ్యూటీ.. ఆందోళనలో ఫ్యాన్స్

దిశ, సినిమా: మా టీవీ లో ప్రసారమయ్యే ‘కార్తీక దీపం‘ సీరియల్‌లో విలన్ పాత్రలో నటించి.. మంచి గుర్తింపు దక్కించుకుంది నటి శోభా శెట్టి. చాలా మందికి ఈమె మోనిత గానే తెలుసు. రీసెంట్‌గా ఈ బ్యూటీ తెలుగు బిగ్‌బాస్ సీజన్‌-7లో అవకాశం దక్కించుకుని.. హౌస్‌లో అబ్బాయిలతో సమానంగా టాస్కులు ఆడింది. అదే సమయంలో తన ప్రవర్తనతో నెగిటివిటీ తెచ్చుకుంది. అయితే తాజాగా శోభా యాంకర్ గా మారిపోయినట్లు తెలుస్తోంది. కొంత కాలం సీరియల్స్‌కు బ్రేక్ ఇవ్వనుందట. ఇప్పటికే మూడు ప్రోగ్రామ్స్‌కు ఓకే చెప్పిందట. అయితే శోభా శెట్టి హోస్ట్‌గా.. కాఫీ విత్ శోభా అనే ప్రోగ్రాం చేయబోతుంది.

తాజాగా తన యూట్యూబ్ ఛానెల్ లో ఈ షో కు సంబంధించిన వివరాలు వెల్లడించింది. కాఫీ విత్ శోభా చేసేందుకు ముందుగా ఓ ప్రోమోలో నటించింది. ఆ ప్రోమో త్వరలో విడుదల చేయబోతున్నట్లు చెప్పింది. ఫస్ట్ గెస్ట్‌గా బిగ్ బాస్ 7 కంటెస్టెంట్ గౌతమ్ కృష్ణ వచ్చారు. సెకండ్ ఎపిసోడ్ గెస్ట్ గా నటి విష్ణు ప్రియ వచ్చింది. అలా రెండో ఎపిసోడ్ షూట్ పూర్తవుతుంది. షో షూటింగ్ చాలా సరదాగా సాగిపోయింది. కానీ మోనిత సీరియల్స్‌కు బ్రేక్ ఇవ్వనుందన్న వార్తనే ఫ్యాన్స్‌కు కాస్త నిరాశ కలిగిస్తుంది.