బాలయ్యకు రెండు ఫ్యామిలీలు.. ఒకటేమో రోడ్ నెం.45, ఇంకొకటి..?

దిశ, సినిమా : 'ఆహా' వేదికగా నందమూరి బాలకృష్ణ హోస్ట్‌గా మొదలైన 'అన్ స్టాపబుల్' టాక్ షోకు ఒక రేంజ్‌ రెస్పాన్స్ లభించింది. ఈ మేరకు మోహన్ బాబు గెస్ట్‌గా ప్రారంభమైన ఫస్ట్ సీజన్ మహేశ్ బాబుతో పూర్తికాగా.. ప్రస్తుతం సెకండ్ సీజన్‌ మొదలవనుంది. ఈ క్రమంలోనే ఇటీవల టీజర్ రిలీజ్ ఈవెంట్‌ కూడా నిర్వహించారు. ఇక ఈ రెండో సీజన్‌ ఫస్ట్ ఎపిసోడ్‌ను ఏపీ మాజీ సీఎం చంద్రబాబు నాయుడుతో స్టార్ట్ చేయగా.. ఫుల్ ఎపిసోడ్ ఈ నెల 14న విడుదల కానుంది. అయితే రీసెంట్‌గా సంబంధిత ప్రోమో రిలీజ్ చేశారు మేకర్స్. ఇందులో బాలయ్య బాబు తన బావ చంద్రబాబుతో చాలా సరదాగా మాట్లాడారు. ఇదే క్రమంలో 'నాకు రెండు ఫ్యామిలీలు ఉన్నాయి. రోడ్ నెం.45లో వసుంధరతో కలిసి మొదటి ఫ్యామిలీ. రెండోది ఈ మధ్యే మొదలైంది కానీ చాలా డీప్‌గా కనెక్ట్ అయిపోయా' అని బాలయ్య అనడంతో.. అయితే 'ఇది బ్రేకింగ్ న్యూస్' అంటూ చంద్రబాబు చమత్కరించారు. ఇలా వారిద్దరి మధ్య సంభాషణతో ప్రోమో ఆద్యంతం ఫన్నీగా సాగింది.

ఇవి కూడా చ‌ద‌వండి:

ఈ షో చంద్రబాబుకు మైలేజా? మైనస్సా?