బాహుబలి, ఆర్ఆర్ఆర్ సినిమాటోగ్రాఫర్ భార్య హఠాన్మరణం

దిశ, సినిమా: ప్రతిష్టాత్మక చిత్రాలైన బాహుబలి, ఆర్ఆర్ఆర్ సినిమాలకు పనిచేసిన సెంథిల్ కుమార్ ఇంట్లో తీవ్ర విషాదం చోటుచేసుకుంది. అనారోగ్య సమస్యలతో సెంథిల్ సతీమణి రోహీ తాజాగా కన్నుమూశారు. యోగా టీచర్‌గా పనిచేస్తున్న రోహీ గతకొద్ది రోజుల నుంచి అనారోగ్య సమస్యలతో బాధపడుతున్నారు. దీంతో రీసెంట్‌గా ఓ ప్రైవేట్ ఆసుపత్రికి తీసుకెళ్లగా.. ట్రీట్‌మెంట్ తీసుకుంటూనే తిరిగిరాని లోకానికెళ్లారు.

రోహీ మరణంతో సెంథిల్ కుమార్ కుటుంబం తీవ్ర విషాదంలో మునిగింది. నేడు సెంథిల్ కుటుంబ సభ్యులు రోహీ పార్థీవ దేహాన్ని తమ నివాసానికి తరలించారు. అంత్యక్రియులు శుక్రవారం మధ్యాహ్నం జూబ్లీహిల్స్‌లోని మహాప్రస్థానంలో జరిగాయి. బాహుబలి, ఆర్ఆర్ఆర్ లాంటి భారీ ప్రాజెక్టులకు వర్క్ చేసిన సెంథిల్ భార్య కావడంతో సినీ ప్రముఖులు సోషల్ మీడియా వేదికన దిగ్భాంతి వ్యక్తం చేస్తున్నారు. పలువురు స్నేహితులు, సన్నిహితులు సెంథిల్ ఇంటికెళ్లి పరామర్శించినట్లు సమాచారం.