బిగ్ బాస్ 7లోకి ఎంట్రీ ఇవ్వనున్న బేబీ హీరోయిన్.. ఇక రచ్చ రచ్చే

దిశ, వెబ్‌డెస్క్: బ్రిటన్‌లో ‘బిగ్ బ్రదర్’ పేరుతో ప్రారంభమైన రియాలిటీ షో, ఇండియాలో ‘బిగ్ బాస్’ గా ప్రాచుర్యం పొందింది. సెలబ్రిటీలను నాలుగు గోడల మధ్య ఉంచి, వారి లైఫ్ స్టైల్, ఆలోచనలు, పోరాట పటిమ దగ్గరగా చూపించే ఈ షో ప్రేక్షకుల ఆదరణ పొందింది. నాగార్జున హూస్టింగ్ చేసే ఈ షో సీజన్ 7 కూడా ఆడియన్స్ ముందుకు రావడానికి సిద్ధంగా ఉంది. ఇప్పటికే ప్రోమోలు కూడా రిలీజ్ అయ్యాయి. కంటెస్టెంట్స్ ఎంపిక కూడా ముగిసింది. కాగా.. అమర్ దీప్ చౌదరి, ఆయన భార్య తేజస్విని, శోభిత శెట్టి, సింగర్ మోహన భోగరాజు, దీపికా పిల్లి, బ్యాంకాక్ పిల్ల ఇలా కొంతమంది పేర్లు తెరపైన వినిపిస్తున్నాయి.

తాజాగా ‘బేబీ’ చిత్రంలో అద్భుతమైన నటనతో హీరోయిన్‌గా ప్రేక్షకులను మెప్పించిన ‘వైష్ణవి చైతన్య’ కూడా ఈ షోలో పాల్గొంటుందని నెట్టింట ఓ వార్త తెగ ప్రచారం జరుగుతోంది. దీంతో నెటిజన్లు.. ‘‘ఏకకాలంలో ఇద్దరు అబ్బాయిలతో ప్రేమాయణం నడిపి, అభ్యంతరకర సీన్స్‌లో నటించిన ఈ అమ్మాయి కనుక బిగ్‌బాస్ షోలో అడుగు పెడితే రచ్చ రచ్చే. ఆడియన్స్ వైష్ణవి నుంచి నాన్ స్టాప్ ఎంటర్టైన్మెంట్ ఆశిస్తారు. అది మేకర్స్‌‌కు ప్లస్ పాయింట్ అవుతుంది.’’ అంటూ కామెంట్ల వర్షం కురిపిస్తున్నారు. కాగా ఈ అమ్మడుకి ఈ షోలో ఎలాంటి అవకాశం లేదని, ఇదంతా ఫేక్ వార్త అని విశ్వసనీయ వర్గాలు ఖండిస్తున్నాయి.