బ్రహ్మముడి ఆగస్టు 12 ఎపిసోడ్: బ్లాంక్ చెక్ మొఖం మీద కొట్టిన అపర్ణ

దిశ, వెబ్ డెస్క్: నేటి బ్రహ్మముడి సీరియల్లో ఈ సీను హైలెట్

ఈరోజు ఎపిసోడ్‌లో అపర్ణ, కోడలి ఇంటికి వెళ్లి కనకం, కృష్ణమూర్తిపై రెచ్చిపోతుంది. అయినా శునకాన్ని తీసుకెళ్లి అందలమెక్కిచ్చినా దాని గుణం ఎప్పటికి మారదని మన పెద్దవాళ్లు ఊరికే అన్నారా.. అది మీ కూతురు నిజం చేసింది.. తన కష్టాన్ని తీర్చుకుంటానని చెప్పి మీడియా ముందు  మా పరువు మొత్తం గంగలో కలిపింది. మీకు అర్థమయ్యే భాషలో చెప్పాలంటే.. మా దుగ్గిరాల ఇంటి కోడలిగా ఉండాలంటే ఇలాంటి పిచ్చి పనులు చేయకుండా మీ కూతుర్ని మీరే దారిలో పెట్టండి. లేదంటే మీ కూతుర్ని, నా కొడుకుతో పెళ్లి అనే బంధాన్ని తెంచుకొని మీ కూతుర్ని ఇక్కడికి తెచ్చి పెట్టుకోండి.. దానికి మేము ఎలాంటి షరతులు పెట్టము అంటూ సీరియస్ లుక్ తో కావ్య అమ్మ, నాన్న వైపు చూస్తుంది. మళ్లీ ఇలాంటివి రిపీట్ అయినా , మా పరువు తీయాలని చూసినా నేను ఊరుకునేదే లేదు. ఇదిగో బ్లాంక్ చెక్.. దీనిలో మీకు నచ్చినంత, ఎంత అవసరముంటే అంత రాసుకోండి.. కానీ కావ్య మాత్రం మా ఇంట్లో కష్టం వచ్చిదంటూ మళ్లీ మీ ఇంటి గడప తొక్కకూడదు.. అని అపర్ణ కోపంగా అక్కడి నుంచి వెళ్లిపోబోతుంది.