అదిరిపోయే కాంబో రిపీట్.. ప్రభాస్ - అనుష్క కలయికలో సినిమా!

దిశ, సినిమా: ‘అరుంధతి’, ‘విక్రమార్కుడు, బిల్లా, కింగ్, మిర్చి, బాహుబలి, ‘బహుబలి : ది కన్క్లూషన్’ వంటి ప్రతిష్టాత్మక చిత్రాల్లో నటించి హౌరా అనిపించారు సీనియర్ స్టార్ హీరోయిన్ అనుష్క శెట్టి. ఈ బ్యూటీ నటనతో ప్రేక్షకులను ఫిదా చేసిందనడంలో అతిశయోక్తి లేదు. డిఫరెంట్ కథలతో సినిమాల్లో నటించి టాలీవుడ్ ఇండస్ట్రీలో చెరగని ముద్ర వేసుకుంది స్వీటీ. అనుష్క టాలీవుడ్‌లో అక్కినేని నాగార్జున సరసన నటించిన సినిమాలే ఎక్కువగా ఉన్నాయి. కానీ రెబల్ స్టార్ ప్రభాస్ సరసన నటించిన బహుబలి చిత్రంతో ప్రపంచవ్యాప్తంగా క్రేజ్ దక్కించుకుంది. అయితే చాలా గ్యాప్ తర్వాత ఈ బ్యూటీ తెలుగులో ఓ సినిమాకు గ్రీన్ సిగ్నల్ ఇచ్చినట్లు తెలుస్తోంది. అయితే ఈ సినిమా పాన్ ఇండియా స్టార్ ప్రభాస్ హోమ్ ప్రొడక్షన్ ‌క్రియేషన్ లో తెరకెక్కనుందట. ఈ చిత్రానికి క్రిష్ జాగర్లమూడి దర్శకత్వం వహించనన్నారని సమాచారం. త్వరలో ఈ మూవీపై అధికారిక రానుందట. రెబల్ స్టార్ ప్రభాస్ బ్యానర్ లో అనుష్క నటిస్తుండటం ఈ వార్త సోషల్ మీడియాలో ఆసక్తికరంగా మారింది.