Ante Sundaraniki: 'అంటే సుందరానికి' ట్రైలర్ డేట్ ఫిక్స్.. ఆనందంలో అభిమానులు

దిశ, సినిమా : నేచురల్ స్టార్ నాని(Nani) హీరోగా, నజ్రియా(Nazriya Nazim) హీరోయిన్‌గా నటిస్తున్న 'అంటే సుందరానికి(Ante Sundaraniki)' సినిమా రిలీజ్ కోసం ప్రేక్షక అభిమానులు ఆసక్తిగా ఎదురుచూస్తున్నారు. తన నటనతోనే కథను వేరే రేంజ్‌కి తీసుకుపోయే ఈ పిల్ల జమిందార్.. ఇక 'అంటే సుందరానికి' సినిమాతో మరోసారి ట్రీట్ ఇవ్వబోతున్నాడని తెలుస్తోంది. దీంతో పాటు చిత్ర బృందం తరచు ఈ చిత్రానికి సంబంధించి ఏదో ఒక పోస్టర్‌ను రిలీజ్ చేస్తూ.. అభిమానుల అంచనాలను పెంచేస్తుంది. ఈ క్రమంలోనే తాజాగా ఈ సినిమా ట్రైలర్ డేట్‌ను ఫిక్స్ చేశారు మేకర్స్. కాగా జూన్10న థియేటర్స్‌లో రిలీజ్‌కు రెడీగా ఉండగా.. ఇందుకు సంబంధించిన ట్రైలర్ జూన్ 2న రిలీజ్ చేయనున్నట్లు తెలిపారు. ఇక ఈ చిత్రం తెలుగుతో పాటు తమిళం, మలయాళ భాషల్లో ఏకకాలంలో విడుదల కానుంది.