ప్లీజ్ జక్కన్న ఈ సినిమా డైరెక్ట్ చేయ్.. కోరిన ఆనంద్ మహీంద్రా

దిశ, సినిమా: మహీంద్రా గ్రూప్ చైర్మన్ ఆనంద్ మహీంద్రా.. ఎస్‌ఎస్ రాజమౌళికి ట్విట్టర్ వేదికగా ఓ రిక్వెస్ట్ చేశాడు. సింధు లోయ నాగరికత పురాతన నగరాలకు సంబంధించిన పెయింటింగ్స్‌ను ట్వీట్ చేసిన ఆయన.. ‘చరిత్రను సజీవం చేసే ఇలాంటి అద్భుతమైన పెయింటింగ్స్ ఇమాజినేషన్‌ను రేకెత్తిస్తాయి. ఈ ప్రాచీన నాగరికత గురించి ప్రపంచవ్యాప్తంగా అవగాహనను పెంచేలా ఎస్‌ఎస్ రాజమౌళి ఒక ప్రాజెక్ట్ చేయాలని కోరుతున్నా. మీరు కూడా షౌట్ అవుట్ చేయండి’ అని నెటిజన్లకు పిలుపునిచ్చాడు. కాగా ఈ రిక్వెస్ట్‌ను జక్కన్న కన్సిడర్ చేయాలని కొందరు కోరుతుంటే.. మరికొందరు సంజయ్ లీలా భన్సాలీ కూడా ఇలాంటివి బాగా తెరకెక్కించగలడని అంటున్నారు.