మేజర్ మూవీ పై అమితా బచ్చన్ ప్రశంసలు..

దిశ, వెబ్‌డెస్క్: శశి కిరణ్‌ తిక్క దర్శకత్వంలో అడివిశేష్‌ హీరోగా నటించిన చిత్రం 'మేజర్‌'. 26\ 11ముంబై దాడుల్లో వీరమరణం పొందిన మేజర్‌ సందీప్‌ ఉన్ని కృష్ణణ్‌ జీవిత కథ ఆధారంగా తెరకెక్కిన చిత్రమిది. మహేశ్‌బాబు జీఎమ్‌బీ ఎంటర్‌టైన్మెంట్, ఏ ప్లస్‌ ఏస్‌ మూవీస్‌తో కలిసి సోనీ పిక్చర్స్‌ ఫిల్మ్స్‌ ఇండియా నిర్మించిన ఈ చిత్రం జూన్‌ 3న విడుదలై పాజిటివ్‌ టాక్‌తో దూసుకెళ్తోంది.

ఈ సినిమా ప్రేక్షకులతో పాటు ఎందరో ప్రముఖుల హృదయాలను కొల్లగొట్టింది. ఈ మూవీపై అల్లు అర్జున్‌ వంటి స్టార్ హీరోలు ప్రశంసలు కురిపించారు. తాజాగా ఈ సినిమాపై బాలీవుడ్ స్టార్ హీరో అమితా బచ్చన్ తన ట్విట్టర్ వేదికగా చిత్ర బృందానికి శుభాకాంక్షలు తెలిపారు. ''మేజర్ సందీప్ ఉన్నికృష్ణన్ జీవితంపై రూపొందించిన మేజర్ చిత్రం ముంబై 26/11 రక్షకుల్లో ఉన్ని కృష్ణన్ ఒకరు. ఇప్పుడు థియేటర్లలో అడవి శేష్, సయీ మంజ్రేకర్‌కు నా శుభాకాంక్షలు'' అని బిగ్ బి ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది.