అయోధ్యలోని రాముడిని మరోసారి దర్శించుకున్న బాలీవుడ్ అగ్ర హీరో!

దిశ, సినిమా: భారత ప్రధాని చేతుల మీదుగా జనవరి 22 వ తారీకున అయోధ్యలోని బాల రాముడి విగ్రహానికి ప్రాణ ప్రతిష్ట కార్యక్రమం అంగరంగ వైభవంగా నిర్వహించారు. ఈ అద్భుతమైన ఘట్టానికి వీక్షించడానికి దేశవ్యాప్తంగా ఎంతో మంది వేయి కళ్లతో ఎదురు చూశారు. ఈ వేడుకకు రామ్ భూమి ట్రస్ట్ పలు సెలబ్రిటీలను కూడా ఆహ్వానించింది. టాలీవుడ్, బాలీవుడ్, మాలీవుడ్ నుంచి పలువురు సెలబ్రిటీలు హాజరై అయోధ్యలో సందడి చేశారు.

తాజాగా బాలీవుడ్ సీనియర్ స్టార్ హీరో అమితాబ్ బచ్చన్ మరోసారి అయోధ్యలోని బాలరాముడిని దర్శించుకున్నారు. ఈ రోజు (శుక్రవారం) ఉదయం ముంబయి నుంచి అయోధ్యకు చేరుకుని ప్రత్యేక పూజలు చేయించుకున్నారు. అమితాబ్ అయోధ్యకు చేరుకోవడంతో.. అభిమానులు భారీ ఎత్తున అక్కడికి తరలివచ్చారు. ఆలయ పరిసరాల్లో భారీ బందోబస్తు ఏర్పాటు చేసిన ఫ్యాన్స్ ఎగబడి మరీ అమితాబ్ బచ్చన్ ఫొటోలు, వీడియోలు తీసుకున్నారు. ప్రస్తుతం అమితాబ్ అయోధ్యలోని రాముడిని దర్శించుకున్న పొటోలు, వీడియోలు సోషల్ మీడియాలో వైరల్ అవుతున్నాయి.