పృథ్వి చేతులమీదుగా ‘అభిలాష’ ట్రైలర్ రిలీజ్

దిశ, సినిమా : మనిషి చైతన్యానికే కాదు సమాజ అభివృద్ధికి విద్య ఎలా ఉపయోగపడుతుందో తెలియజేస్తూ తెరకెక్కించిన చిత్రం ‘అభిలాష’. అమర్ దీప్, అశ్విని రెడ్డి ప్రధాన పాత్రల్లో శివప్రసాద్ చలువాది రూపొందించిన సినిమాను శ్రీ హరిహర ధీర మూవీమేకర్స్ పతాకంపై సి.హెచ్.శిరీష నిర్మించారు. అయితే తాజాగా ప్రసాద్ ల్యాబ్‌లో నిర్వహించిన ట్రైలర్ లాంచ్ ఈవెంట్‌కు ముఖ్య అతిథిగా వచ్చిన హాస్యనటుడు పృథ్వి చిత్ర బృందంతో కలిసి సిడీని ఆవిష్కరించారు.

అలాగే ‘ట్రైలర్ చాలా బావుంది. ఓ మంచి పాయింట్‌తో సినిమాను తీయడం సంతోషం. చిత్ర బృదం కష్టానికి తగిన ఫలితం రావాలని కోరుకుంటున్నా’ అన్నాడు. 1983లో వచ్చిన చిరంజీవి ‘అభిలాష’ చిత్రానికి ఈ సినిమాకు ఎలాంటి సంబంధం లేదన్న దర్శకనిర్మాతలు ఇటీవల వచ్చిన ‘బలగం’ సినిమా కోవలోనే ఈ చిత్రం కూడా విజయవంతం అవుతుందన్నారు.