పుష్ప విషయంలో షాకింగ్ నిర్ణయం తీసుకున్న బన్నీ, సుకుమార్! సీక్వెల్ కాకుండా

దిశ, వెబ్‌డెస్క్: ఐకాన్ స్టార్ అల్లు అర్జున్ నటించిన ‘పుష్ప’ చిత్రం ప్రపంచవ్యాప్తంగా సెన్సేషనల్ క్రియేట్ చేసింది. పుష్పరాజ్ పాత్రలో అదరగొట్టినందుకు.. ఉత్తమ నటుడిగా నిన్న (అక్టోబరు 17)ఢిల్లీలో రాష్ట్రపతి చేతుల మీదుగా బన్నీ జాతీయ పురస్కారం అందుకున్నాడు. ఇక ఈ సినిమాకు సీక్వెల్‌గా రాబోతున్న పుష్ప-2 షూటింగ్ శరవేగంగా జరుగుతున్న విషయం తెలిసిందే. ఈ మూవీ వచ్చే ఏడాది ఆగస్టు 15 న విడుదల కానుంది. అయితే దర్శకుడు సుకుమార్ అండ్ అల్లు అర్జున్ ఒక సంచలన నిర్ణయం తీసుకున్నట్లు తెలుస్తోంది. పుష్ప రెండు భాగాలే కాకుండా మూడో పార్ట్ కూడా రాబోతుందని నెట్టింట ప్రచారం జరుగుతోంది. ఈ స్టోరీని చెప్పాలంటే రెండు పార్ట్స్ సరిపోవని, ఈ కథలో చాలా లోతు ఉందని.. దీంతో మూడో భాగం కూడా తీయాలని దర్శక, నిర్మాతలు అనుకుంటున్నారట. కానీ పుష్ప-3 కి మాత్రం బాగానే టైమ్ పడుతుందని అంటున్నారు. ఎందుకంటే బన్నీకి వేరే రెండు ప్రాజెక్ట్స్ ఉన్నాయి.