SSMB29 : మహేష్‌-రాజమౌళిల క్రేజీ ప్రాజెక్ట్‌‌కు అంతా సిద్ధం.. వచ్చేది అప్పుడే?

దిశ, సినిమా: ఆర్‌ఆర్‌ఆర్‌ లాంటి గ్లోబల్‌ హిట్‌ ఫిలిం తర్వాత ప్రముఖ దర్శకుడు ఎస్‌.ఎస్‌.రాజమౌళి తన తదుపరి చిత్రం మహేష్‌బాబుతో చేస్తున్న సంగతి తెలిసిందే. అయితే గత కొంత కాలంగా ప్రీ ప్రొడక్షన్‌ వర్క్‌లో ఉన్న ఈ చిత్రం ఎప్పుడూ ప్రారంభమవుతుందో ఇప్పటి వరకు అధికారికంగా ప్రకటన రాలేదు. గతంలో 2024 సెప్టెంబరులో చిత్రీకరణ స్టార్ట్‌ చేస్తారనే వార్తలు వచ్చాయి. సాధారణంగానే తన సినిమా ప్రీ ప్రొడక్షన్‌ వర్క్‌కు ఏడాది సమయం తీసుకునే రాజమౌళి ఈ చిత్రానికి కూడా అంతే సమయం తీసుకున్నాడు. ఇక తాజాగా తెలిసిన సమాచారం ప్రకారం రాజమౌళి-మహేష్‌ కలయికలో రూపొందనున్న ఈ ప్రతిష్టాత్మక చిత్రాన్ని 2025 జనవరిలో శ్రీకారం చుడుతున్నారని తెలిసింది.

ప్రస్తుతం ఈ చిత్రానికి సంబంధించిన ప్రీ ప్రొడక్షన్‌ వర్క్ షాప్స్‌ నిర్వహిస్తున్నారు రాజమౌళి. ఈ సెషన్‌లో సినిమాలో వివిద భాగాల్లో పనిచేసే రాజమౌళి కుటుంబ సభ్యులతో పాటు మహేష్‌బాబు కూడా పాల్గొంటున్నారని తెలిసింది. ఈ చిత్రంలో మహేష్‌బాబు డిఫరెంట్‌ లుక్‌లో కనిపించబోతున్నాడు. ప్రస్తుతం ఈ లుక్‌ మేకోవర్‌లోనే మహేష్‌ ఉన్నాడు. ఇటీవల ఆయన గుబురుగడ్డం, లాంగ్‌హెయిర్‌తో కనిపించిన లుక్‌ సోషల్‌మీడియాలో వైరల్‌ అవుతుంది. ఈ క్రేజీ హీరో ఈ లుక్‌లోనే రాజమౌళి సినిమాలో కనిపించి అందరికి సర్‌ఫ్రైజ్‌ ఇవ్వనున్నాడు.