అనంత్- రాధిక ప్రీ వెడ్డింగ వేడుకల్లో స్పెషల్ అట్రాక్షన్‌గా అలియా- రణ్ బీర్.. పిక్స్ వైరల్

దిశ, సినిమా: రిలయన్స్ అధినేత ముఖేష్ అంబానీ చిన్న కొడుకు అనంత్ అంబానీ తొందరలో ఓ ఇంటివాడు కాబోతున్న విషయం తెలిసిందే. రాధికా మర్చంట్‌తో జూలై 12న పెళ్లి జరగబోతుంది. అయితే ఇప్పటికే ఒకసారి ప్రీ వెడ్డింగ్ జరుపుకున్న ఈ జంట మరోసారి ఇటలీలో ప్రీ వెడ్డింగ్ వేడుక చేసుకున్నారు. ఈ వేడుకలకు పలువురు సినీ సెలబ్రిటీలు హాజరవగా.. అలియా భట్, రణబీర్ కపూర్ కూడా వెళ్లారు. ఈ సంబరాల్లో ఈ బ్యూటిఫుల్ జంట స్పెషల్ అట్రాక్షన్‌గా నిలిచారు. అయితే ఈ ఫొటోలను అలియా భట్ సోషల్ మీడియాలో షేర్ చేస్తూ సన్‌సెట్ క్లబ్ అనే క్యాప్షన్ చేసింది.

ఇందులో పౌడర్ బ్లూ గౌనులో ధరించగా.. రణ్ బీర్ కూడా చాలా హ్యాండ్సమ్ గా కనిపించాడు. ముఖానికి మాస్క్ వేసుకుని మరింత స్టైలిష్ గా అందరి మనసు దోచేస్తున్నాడు. ఈ ఫోటోలో అలియా రణబీర్ కపూర్ చేయి పట్టుకుని కనిపించింది. ప్రస్తుతం అలియా భట్, రణబీర్ కపూర్ ఫొటోలు సోషల్ మీడియాను షేక్ చేస్తున్నాయి. ఇక వాటిని చూసిన నెటిజన్లు బ్యూటిఫుల్ కపుల్, సూపర్ అంటూ కామెంట్లు పెడుతూ పొగిడేస్తున్నారు. ఇక అలియా భట్ సినిమాల విషయానికొస్తే త్వరలో జిగ్రా మూవీలో కనిపించనుంది. అలాగే సంజల్ లీలా బన్సాలీ లవ్ అండ్ వార్‌లో కూడా నటిస్తోంది. ఈ చిత్రంలో రణబీర్ కపూర్, విక్కీ కౌశల్ నటించనున్నారు.