తండ్రికి బెస్ట్ గిఫ్ట్ ఇచ్చిన అకీరా!.. మురిసిపోతున్న పవన్ కళ్యాణ్

దిశ, సినిమా: గత కొన్ని రోజులుగా పవన్ కళ్యాణ్‌తో పాటు అకీరా నందన్ పేరు కూడా వైరల్ అవుతుంది. తన తండ్రి గెలిచాక.. పక్కనే ఉంటూ దేశ రాష్ట్ర నాయకులకు కలుస్తూ ట్రెండింగ్‌గా మారిపోయారు అకీరా. ఈ క్రమంలోనే నరేంద్ర మోదీని కలిసిన ఫోటోలు కూడా వైరల్ అవుతున్నాయి. వీటిలో అకీరా లుక్ ట్రెండ్ అవ్వడమే కాదు.. త్వరలోనే సినిమాల్లోకి ఎంట్రీ ఇస్తారని ఫిక్సై పోయారు అభిమానులు. అయితే అకీరాకు నటన అంటే అస్సలు ఇంట్రెస్ట్ లేదని ఆ మధ్య బాంబు పేల్చారు రేణు దేశాయ్. ప్రస్తుతం మ్యూజిక్‌తో పాటు ఫిల్మ్ ప్రొడక్షన్ కోర్స్‌పై ఫోకస్ చేస్తున్నారు అకీరా నందన్.

ఇదిలా ఉంటే తాజాగా తండ్రి కోసం అకీరా చేసిన ఓ వీడియోను విడుదల చేశారు రేణు దేశాయ్. ఈ వీడియోను స్వయంగా అకీరానే ఎడిట్ చేశారు. ఆర్నెల్ల కిందే చేసిన ఈ వీడియోను ఇప్పుడు రిలీజ్ చేశారు రేణు. పవన్ కళ్యాణ్ ల్లో ఉన్న మాంటేజ్ షాట్స్ తీసుకుని .. మధ్య మధ్యలో డైలాగ్స్ కూడా యాడ్ చేస్తూ అద్భుతంగా ఎడిట్ చేసారు అకీరా నందన్‌.. ఈ వీడియో ఇప్పుడు వైరల్ అవుతుంది. తండ్రికి కొడుకు ఇచ్చిన గిఫ్ట్ ఇదే అంటూ రేణు దేశాయ్ పోస్ట్ చేసిన వెంటనే వీడియో వైరల్ అవ్వడం మొదలైంది. అకీరా తీరు, జోరు చూస్తుంటే త్వరలోనే ఇండస్ట్రీకి రావడం ఖాయంగా కనిపిస్తుంది.