త్వరలో బిగ్ సర్ర్పైజ్ ఇవ్వబోతున్న బిగ్‌బాస్ శివాజీ.. మైండ్ బ్లాక్ అవ్వాల్సిందే?

దిశ, సినిమా: టాలీవుడ్ సీనియర్ స్టార్ నటుడు శివాజీ గురించి ప్రత్యేకంగా చెప్పనవసరం లేదు. అగ్ర హీరోల చిత్రాల్లో క్యారెక్టర్ ఆర్టిస్టుగా నటించి.. తర్వాత తన టాలెంట్ తో హీరోగా అవకాశాలు దక్కించుకున్నాడు. అనూహ్యంగా చిత్ర పరిశ్రమకు దూరమయ్యాడు శివాజీ. కొన్నాళ్లు పొలిటికల్ కామెంట్లతో వార్తల్లో హాట్ టాపిక్ గా నిలిచాడు. చంద్రబాబు, ప్రధానమంత్రి నరేంద్ర మోడీ పై విమర్శలు చేశాడు.

తర్వాత చంద్రబాబుకు దగ్గరయ్యాడు. రీసెంట్ గా నాగార్జున హోస్ట్ గా వ్యవహరించిన బిగ్ బాస్ సీజన్-7 లో కంటెస్టెంట్ గా హౌస్ లోకి అడుగుపెట్టాడు. కూల్ గా గేమ్ ఆడుతూ.. శివాజీ మెచ్యూరిటీ చూపించాడు. హౌస్ పెద్ద దిక్కుగా అన్ని చూసుకున్నాడు. చివరకు టాప్ - 3 కంటెస్టెంట్ గా నిలిచాడు. ఇక ఇటీవల శివాజీ నటించిన మిడిల్ క్లాస్ ఫ్యామిలీ నేపథ్యంలో వచ్చిన #90 s వెబ్ సిరీస్ డైరెక్ట్ ఓటీటీలో రిలీజైన మంచి రెస్పాన్స్ లభించింది.

కామెడీ, ఎమోషనల్ ఎంటర్టైనర్ తో ప్రేక్షకులను ఆకట్టుకుంది. తాజాగా శివాజీ డైరెక్టర్ తరుణ్ భాస్కర్ తో కనిపించాడు. దీంతో వీరిద్దరు కలిసి సినిమా తీయబోతున్నారంటూ జనాలు సోషల్ మీడియాలో ప్రచారం చేస్తున్నారు. శివాజీ ఆల్రెడీ కొత్త ప్రాజెక్ట్ కు సైన్ కూడా చేశారని సమాచారం. ఈ వార్త ఎంతవరకు వాస్తవమో తెలియదు కానీ.. ప్రస్తుతం శివాజీ.. దర్శకుడు తరుణ్ తో కనిపించడం నెట్టింట హాట్ టాపిక్ గా మారింది.