కొత్త రికార్డు క్రియేట్ చేసిన ‘పుష్ప పుష్ప’ సాంగ్.. ఎన్ని మిలియన్ల వ్యూస్ వచ్చాయంటే..?

దిశ,సినిమా: ఐకాన్ స్టార్ అల్లు అర్జున్ హీరోగా తెరకెక్కిన మూవీ పుష్ప. ఈ మూవీ ఎంత పెద్ద హిట్ అయిందో మనందరికి తెలిసిందే. టాలీవుడ్ అప్ కమింగ్ ప్రాజెక్ట్స్ లో ఒకటైన పుష్ప 2 .. విడుదలకు ముందే రికార్డులు సృష్టిస్తోంది. ఈ చిత్రానికి సంబంధించి విడుదలైన ప్రమోషనల్ కంటెంట్ ప్రస్తుతం సోషల్ మీడియాలో ట్రెండ్ అవుతూ సినిమాపై ఆసక్తిని పెంచుతోంది. తాజాగా ఈ చిత్రంలోని ఫస్ట్ సింగిల్ అరుదైన ఘనత సాధించింది.

పుష్ప 2 మూవీ ఆగష్టు 15 న విడుదల కానుంది. అదేవిధంగా, ఇటీవలే మ్యూజికల్ ప్రమోషన్స్ స్టార్ట్ చేస్తూ ఫస్ట్ సింగిల్ రిలీజ్ చేశారు. మొదటి సింగిల్ ఇప్పటికే విడుదలైంది. పుష్ప పుష్ప పూర్తి బీట్‌తో కూడిన ఈ పాట మ్యూజిక్ లవర్స్ ని విపరీతంగా ఆకట్టుకుంది. తాజాగా ఈ పాట యూట్యూబ్‌లో సరికొత్త రికార్డు సృష్టించింది. ఈ పాట యూట్యూబ్‌లో 100 మిలియన్లకు పైగా వీక్షణలతో సూపర్ హిట్‌గా నిలిచింది.

ఈ పాటకు తెలుగు, హిందీ, తమిళం, మలయాళం, కన్నడ భాషల్లో 2.26 మిలియన్ లైక్స్ వచ్చాయి. ఈ రికార్డ్‌ను అనుసరించి బన్నీ ఫ్యాన్స్ అభిమానులు సోషల్ మీడియాలో తమ ఆనందాన్ని వ్యక్తం చేశారు.