ఉపాసన కాళ్లు పట్టుకుని మరీ సేవలు చేస్తున్న గ్లోబల్ స్టార్ (వీడియో).. ఫ్యాన్స్ రియాక్షన్ ఇదే!

దిశ, సినిమా: గ్లోబల్ స్టార్ రామ్ చరణ్- ఉపాసన టాలీవుడ్‌లో క్యూట్ కపుల్స్‌గా పేరు తెచ్చుకున్నారు. వీరిద్దరు పెళ్లి జరిగిన 11 ఏళ్ల తర్వాత ఇటీవల తల్లిదండ్రులైన విషయం తెలిసిందే. ఆ పాపకు క్లిన్ కారా అని నామకరణం చేశారు. ఈ జంట ఎంత బిజీగా ఉన్నప్పటికీ ఇటీవల తమ కూతురితో పలుచోట్లకు వెళ్తూ ఫుల్ ఎంజాయ్ చేస్తున్నారు. వీరికి సంబంధించిన వీడియోలు నిమిషాల్లో సోషల్ మీడియాలో వైరల్‌గా మారుతుంటాయి. ఇదిలా ఉంటే.. తాజాగా, రామ్ చరణ్- ఉపాసన కలిసి ప్రముఖ బిజినెస్‌మెన్ ముఖేష్ అంబానీ కొడుకు అనంత్ అంబానీ ప్రీ వెడ్డింగ్ వేడుకలకు వెళ్లారు. అయితే ఈ పెళ్లికి ఇంకా నాలుగు నెలల సమయం ఉండగానే వేడుకలను మొదలుపెట్టేశారు.

ఈ సెలబ్రేషన్స్‌కు దేశవిదేశాల నుంచి ప్రముఖులు ఆహ్వానం అందింది. టాలీవుడ్ నుంచి మెగా ఫ్యామిలీకి కూడా ఆహ్వానం వచ్చింది. అయితే ఈ వేడుకకు రామ్ చరణ్- ఉపాసన దంపతులు శుక్రవారం ప్రత్యేక విమానంలో జామ్ నగర్‌కు వెళ్లారు. ఈ క్రమంలోనే ఉపాసన నిద్రపోతుండగా.. రామ్ చరణ్ ఆమె కాళ్లు నొక్కుతూ కనిపించాడు. ఇదంతా అక్కడున్న వారు వీడియో తీసి సోషల్ మీడియాలో షేర్ చేయగా అది నిమిషాల్లో వైరల్‌గా మారిపోయింది. ఇక అది చూసిన మెగా ఫ్యాన్స్ రకరకాలుగా స్పందిస్తున్నారు. ఎంత గ్లోబల్ స్టార్ అయినా భార్యకు పాద దాసుడే అని ఓ నెటిజన్ పోస్ట్ పెట్టగా.. మరికొందరు మాత్రం అన్నకు అవార్డు ఇవ్వాల్సిందేనని అంటున్నారు. రామ్ చరణ్- ఉపాసన వీడియోను నెట్టింట షేర్ చేస్తూ రచ్చ రచ్చ చేస్తున్నారు.

Read More..

ఎన్టీఆర్‌లో ఆ టాలెంట్ ఉందా? విషయం తెలిసి షాక్ అవుతున్న ఫ్యాన్స్