69th Filmfare Awards 2024: ఉత్తమ నటిగా ఆలియా.. రణబీర్ రియాక్షన్ ఇదే! (వీడియో)

దిశ, సినిమా: ప్రతి ఏడాది ఫిల్మ్‌ఫేర్ అవార్డుల కార్యక్రమం ఎంతో ప్రతిష్టాత్మకంగా జరుగుతుంటుంది. ఇందులో చాలా మంది నటీనటులు తమ ప్రతిభను చాటుతూ విన్నర్స్‌గా నిలుస్తున్నారు. ఈ ఏడాది 69వ ఫిల్మ్ ఫేర్ అవార్డ్స్ గుజరాత్‌లోని గాంధీనగర్ లో జరిగాయి. అయితే ఇందులో బాలీవుడ్ జంట ఆలియా భట్, రణబీర్ కపూర్ స్పెషల్ ఎట్రాక్షన్‌గా నిలిచారు. యానిమల్‌లో నటించి రణబీర్ ఉత్తమ నటుడిగా అవార్డ్ అందుకున్నాడు.

అలాగే రాఖీ ఔర్‌ రాణికి ప్రేమ్‌ కహానీ సినిమాకు ఆలియా భట్‌కు ఉత్తమ నటిగా అవార్డ్ వచ్చింది. ఈ కార్యక్రమానికి ఆలియా, రణబీర్ జంటగా వెళ్లి కూర్చుంటారు. అక్కడ ఉత్తమ నటి అవార్డ్ అనౌన్స్ చేయడంతో భార్యను గట్టిగా హత్తుకుని రణబీర్ ముద్దు కూడా పెట్టాడు. ఆ తర్వాత ఆలియా అవార్డ్ తీసుకోవడానికి స్టేజ్’పైకి వెళ్తుంది. దీనికి సంబంధించిన వీడియో నెట్టింట వైరల్ అవుతుండగా అది చూసిన వారంతా క్యూట్ కపుల్ అంటూ కామెంట్లు చేస్తుండగా.. మరికొంత మంది మాత్రం విమర్శలు చేస్తున్నారు.