థియేటర్లలో రిలీజ్‌కు రెడీ అవుతోన్న 16 ఏళ్ల నాటి సూపర్ స్టార్ ‘కృష్ణ’ చివరి సినిమా

దిశ, సినిమా: మహేష్ బాబు తండ్రి దివంగత సూపర్‌ స్టార్‌ కృష్ణ కన్నుమూసి సుమారు ఏడాదికిపైనే అవుతోంది. ఈ హీరో మరణంతో కుటుంబ సభ్యులు, టాలీవుడ్ ఇండస్ట్రీ, అభిమానులు శోకసంద్రంలో మునిగిపోయారు. తాజాగా గుంటూర్‌లో జరిగిన ‘గుంటూరు కారం’ ప్రీరిలీజ్ ఈవెంట్‌లో తండ్రిని తలచుకుంటూ మహేష్ బాబు ఎమోషనల్ అయ్యారు. అయితే క‌ృష్ణ అభిమానులకు తాజాగా మేకర్స్ ఓ గుడ్‌న్యూస్ చెప్పారు. అయితే క‌ృష్ణ 16 ఏళ్ల క్రితం మొదట ప్రేమ చరిత్ర అనే చిత్రంలో నటించారు. మధుసూదన్ హవల్దార్ దర్శకత్వం తెరకెక్కించిన ఈ చిత్రంలో నాగబాబు, సుహాసిని, యశ్వంత్, అలీ తదితరులు ముఖ్య పాత్రల్లో నటించారు. అనుకోని కారణాల వల్ల ఈ చిత్రం రిలీజ్‌కు నోచుకోలేదు. ఇప్పుడు ‘కృష్ణ విజయం’ అనే పేరుతో ప్రేక్షకుల ముందుకు తీసుకురావాలని దర్శక, నిర్మాతలు ప్లాన్ చేస్తున్నారట. కాగా ఈ నెల (జనవరి) చివరలో లేదా ఫిబ్రవరి ఫస్ట్ వీక్‌లో థియేటర్లలో గ్రాండ్‌గా విడుదల చేస్తామని మేకర్స్ ప్రకటించారు.