'ఫెమినా మిస్ ఇండియా 2022'.. గ్రాండ్ ఫినాలే నుంచి తప్పుకున్న స్టార్ కిడ్

దిశ, సినిమా : టాలీవుడ్ సీనియర్ హీరో రాజశేఖర్ కూతురు శివాని తన అభిమానులకు బ్యాడ్ న్యూస్ చెప్పింది. ఆమె ఇటీవలే 'ఫెమినా మిస్ ఇండియా 2022' అందాల పోటీల్లో ఫైనల్స్‌కు చేరిన సంగతి తెలిసిందే. ఈ నేపథ్యంలో త్వరలోనే జరగనున్న గ్రాండ్ ఫినాలేలో తమిళనాడుకు ప్రాతినిథ్యం వహించాల్సి ఉండగా.. అనివార్య పరిస్థితుల వల్ల రేస్ నుంచి తప్పుకున్నట్లు ప్రకటించింది. మెడిసిన్ చదువుతున్న శివానికి ఫైనల్స్ రోజునే(జులై 3న) ప్రాక్టికల్ ఎగ్జామ్స్ ఉండటమే ఇందుకు కారణమని తెలిపింది. అలాగే ఈ చాన్స్ కోల్పోవడాన్ని దురదృష్టకరంగా భావిస్తున్న నటి.. బరువెక్కిన హృదయంతో ఈ పోటీకి వీడ్కోలు పలుకుతున్నట్లు చెప్పింది. చివరగా తన టీమ్ సభ్యులకు కృతజ్ఞతలు తెలిపిన స్టార్ కిడ్.. పోటీలో ముందుకు వెళ్లలేకపోయినందుకు క్షమించాలని కోరింది. ప్రస్తుతం సంజీవ్ రెడ్డి దర్శకత్వంలో రూపొందుతున్న 'జీ5' వెబ్ సిరీస్ 'అహ నా పెళ్లంట'లో రాజ్ తరుణ్ సరసన నటిస్తోంది.