మోడల్ స్కూళ్లలో అడ్మిషన్ల నోటిఫికేషన్

దిశ ,ఏపీ బ్యూరో: ఏపీలోని మోడల్‌ స్కూళ్ళలో 2020-21 విద్యా సంవత్సరంలో ఇంటర్‌ అడ్మిషన్లకు విద్యాశాఖ షెడ్యూలు విడుదల చేసింది. అర్హులైన విద్యార్థులు ఈనెల 16 నుంచి 31 వరకు ఆన్‌లైన్‌లో దరఖాస్తు చేసుకోవాలని కోరింది. ఈనెల 30లోపు రిజిస్ట్రేషన్ ఫీజు చెల్లించాలని తెలిపింది. ఓసీ, బీసీలకు రూ.150, ఎస్సీ, ఎస్టీలు రూ.100 రుసుము చెల్లించాలి. ఆగస్టు 1వ తేదీన వచ్చిన దరఖాస్తుల జాబితాను ప్రకటించి, అదేరోజున ఎంపికైన విద్యార్థులను ప్రకటించనున్నట్లు విద్యాశాఖ స్పష్టంచేసింది. ఆగస్టు 3న సర్టిఫికెట్ల పరిశీలన, అనంతరం తరగతులు ప్రారంభం ఉంటుందని పేర్కొన్నది. సీట్ల కేటాయింపులు అన్ని వర్గాల్లో కలిపి 33.33శాతం బాలికలకు కేటాయించనున్నట్లు చెప్పింది.