టీఆర్ఎస్, బీజేపీది చీకటి ఒప్పందం : జగ్గారెడ్డి
దిశ, తెలంగాణ బ్యూరో: రాష్ట్రంలో టీఆర్‌ఎస్‌తో బీజేపీకి రాజకీయ చీకటి ఒప్పందం ఉందని, ఈ రెండు పార్టీ మధ్య సఖ్యత కొనసాగుతుందని కాంగ్రెస్ ఎమ్మెల్యే జగ్గారెడ్డి ఆరోపించారు. సీఎం కేసీఆర్ రాష్ట్రంలో బీజేపీని విమర్శించి, ఢిల్లీ వెళ్లి ప్రధాని మోడీని మెచ్చుకుంటారని మండిపడ్డారు. గాంధీభవన్లో శుక్రవారం మీడియాతో మాట్లాడారు. సీఎం కేసీఆర్ రాష్ట్రంలో కొత్త సచివాలయాన్ని కడుతున్నందునే ఢిల్లీలో మోడీ నిర్మిస్తున్న పార్లమెంట్‌ భవనాన్ని సమర్థిస్తున్నారన్నారు. టీఆర్ఎస్ ప్రభుత్వం సంగారెడ్డి జిల్లాకు చేసిందేమీ లేదని, సంగారెడ్డి, దుబ్బాకలో […]
దిశ, తెలంగాణ బ్యూరో: రాష్ట్రంలో టీఆర్‌ఎస్‌తో బీజేపీకి రాజకీయ చీకటి ఒప్పందం ఉందని, ఈ రెండు పార్టీ మధ్య సఖ్యత కొనసాగుతుందని కాంగ్రెస్ ఎమ్మెల్యే జగ్గారెడ్డి ఆరోపించారు. సీఎం కేసీఆర్ రాష్ట్రంలో బీజేపీని విమర్శించి, ఢిల్లీ వెళ్లి ప్రధాని మోడీని మెచ్చుకుంటారని మండిపడ్డారు. గాంధీభవన్లో శుక్రవారం మీడియాతో మాట్లాడారు. సీఎం కేసీఆర్ రాష్ట్రంలో కొత్త సచివాలయాన్ని కడుతున్నందునే ఢిల్లీలో మోడీ నిర్మిస్తున్న పార్లమెంట్‌ భవనాన్ని సమర్థిస్తున్నారన్నారు. టీఆర్ఎస్ ప్రభుత్వం సంగారెడ్డి జిల్లాకు చేసిందేమీ లేదని, సంగారెడ్డి, దుబ్బాకలో మాత్రమే కాంగ్రెస్, బీజేపీ సభ్యులమున్నామని, సిద్దిపేట, గజ్వేల్ మినహాయిస్తే మిగిలిన 6 సెగ్మెంట్లలో టీఆర్ఎస్ ఎమ్మెల్యేలు ఉన్నా ఆ సెగ్మెంట్లకు కూడా నిధులు ఇవ్వడం లేదన్నారు. ఆరేళ్లుగా సంగారెడ్డికి నిధులు ఇవ్వడం లేదని, కేసీఆర్ లేనిదే తెలంగాణ లేదనడం అవాస్తవమని కొట్టిపారేశారు. ఇది కేసీఆర్ అహంకారానికి నిదర్శనమన్నారు. కాంగ్రెస్ నేతలు సోనియా, రాహుల్ తెలంగాణ ఇవ్వకపోతే ఈ రోజు కేసీఆర్ ఇలా మాట్లాడేవాడా అని జగ్గారెడ్డి ప్రశ్నించారు.