లేదంటే ముక్కు నేలకు రాస్తారా…..

దిశ, వెబ్ డెస్క్:
బీజేపీ పాలిత ప్రాంతాల్లో రైతు బంధు ఇస్తున్నారా అని మంత్రి హరీశ్ రావు ప్రశ్నించారు. దుబ్బాక ఎన్నికల ప్రచారంలో ఆయన బుధవారం పాల్గొన్నారు. ఈ సందర్భంగా ఆయన మాట్లాడుతూ… బీడి కార్మికులకు రూ.1600 ఇస్తున్నట్టు బీజేపీ నేతలు చెబుతున్నారని అన్నారు. మీరు ఇచ్చినట్టు నిరూపిస్తే తన మంత్రి పదవికి రాజీనామా చేస్తాననీ ఆయన తెలిపారు. లేదంటే బీజేపీ నేతలు ముక్కు నేలకు రాస్తారా అని ఆయన సవాల్ విసిరారు. అప్పన్న పల్లిలో 50డబుల్ బెడ్ రూం ఇండ్లను మంజూరు చేస్తామని ఆయన వెల్లడించారు. కాలువతో భూములు కోల్పోయిన వారికి నష్టపరిహారం చెల్లిస్తామని ఆయన అన్నారు.