మీరంతా దద్దమ్మలు.. కాషాయ నేతలకు ఎర్రబెల్లి సవాల్!

దిశ, వెబ్‌డెస్క్ : వరంగల్‌ సీకేఎం కళాశాలలో టీఆర్ఎస్ ఎమ్మెల్సీ సన్నాహక సమావేశం ఆదివారం జరిగింది. దీనికి తెలంగాణ పంచాయతీ రాజ్ శాఖ మంత్రి ఎర్రబెల్లి దయాకర్ రావు హాజరయ్యారు. ఈ సందర్భంగా ఆయన మాట్లాడుతూ.. బీజేపీ నేతల తీరుపై మంత్రి ఆగ్రహం వ్యక్తం చేశారు. రాష్ట్రంలో అమలవుతున్న పథకాలు బీజేపీ పాలిత రాష్ట్రాల్లో ఉన్నాయా అని ప్రశ్నించారు.

తెలంగాణకు ఒక్క మెడికల్ కాలేజీ, పసుపు బోర్డు తీసుకురాలేదని దద్దమ్మలు కాషాయ నేతలని ఫైర్ అయ్యారు. కేంద్రం రాష్ట్రానికి రూ.లక్షా 22వేల కోట్లు అప్పు ఉందని వివరించారు. రాష్ట్రం కోసం టీఆర్ఎస్, బీజేపీ పార్టీలు ఏమేం చేశాయో వరంగల్ కలెక్టరేట్‌లో చర్చిద్దామన్నారు. చర్చకు తాము సిద్ధమని, మీరు సిద్ధమా అని మంత్రి ఎర్రబెల్లి దయాకర్ రావు బీజేపీ నేతలకు సవాల్ విసిరారు.