సైన్యంలో చేరాలనుకున్న మెగా హీరో.. ఎందుకో తెలుసా?

దిశ, వెబ్‌డెస్క్: మెగా ఫ్యామిలీనుంచి ఇండస్ట్రీలోకి వస్తున్న మరో యంగ్ హీరో వైష్ణవ్ తేజ్. ఉప్పెన సినిమాతో సినిమా ఇండస్ట్రీలోకి అడుగుపెట్టనున్నాడు. ఇప్పటికే మెగా ఫ్యామిలీ నుంచి అనేకమంది హీరోలు వచ్చి, తమకంటూ ఓ ప్రత్యేకమైన గుర్తింపు తెచ్చుకున్నారు. మెగాస్టార్ చిరంజీవి తర్వాత.. పవర్ స్టార్ పవన్ కళ్యాణ్, స్టైలీష్ స్టార్ అల్లు అర్జున్, మెగా పవర్ స్టార్ రామ్ చరణ్, వరుణ్ తేజ్, సాయి ధరమ్ తేజ్, అల్లు శిరీష్, కళ్యాణ్ దేవ్లు హీరోగా పరిచయమై అద్భుతంగా రాణిస్తున్నారు. కాగా, వీరిలో వపన్ స్టార్ సహా అనేక మంది హీరోలు జీవితంలో హీరోలుగా స్థిరపడాలని అనుకోలేదని అనేక సందర్భాల్లో చెప్పడం మనం చూశాం. వీరంతా సినిమాల్లోకి రాకముందు, ఇతర రంగాల్లోకి వెళ్లాలనుకొని, చివరకు సినిమాల్లోకే వచ్చి అభిమానుల చేత శభాష్ అనిపించుకుంటున్నారు. తాజాగా పంజా వైష్ణవ్ తేజ్ కూడా.. యాక్టర్ కావాలని తాను ఎప్పుడూ అనుకోలేదని అన్నాడు. ఇటీవల ఓ టీవీ ఛానల్‌కు ఇచ్చిన ఇంటర్వ్యూలో ఆయన ఆసక్తికర విషయాలు వెల్లడించారు.

జీవితంలో ఏ రంగాన్ని ఎంచుకోవాలనే విషయంలో చాలా సంవత్సరాలు ఇబ్బందులు పడ్డానని తెలిపారు. చదువుకునే రోజుల్లో ఆస్ట్రోనాట్‌, సైంటిస్ట్‌ అవ్వాలనుండేదని, ఆ తర్వాత దర్శకుడిని కావాలనే ఆలోచనతో అన్నయ్య సినిమా షూటింగ్‌లకు వెళ్లానని చెప్పుకొచ్చారు. అదీ నెరవేరకపోవడంతో ఆర్మీలోకి వెళ్లాలనిపించిందని అన్నారు. సినిమాల్లో అవకాశాలు రావడం సులభం కాదని, వచ్చిన వాటిని సద్వినియోగం చేసుకోవడం, తమను తాము నిరూపించుకోవడం చాలా కష్టం అని వెల్లడించారు. అయితే ప్రస్తుతం వైష్ణవ్ తేజ్ నటిస్తున్న సినిమాల్లో మక్కల్ సెల్వన్ విజయ్ సేతుపతి ఓ కీలక పాత్ర పోషిస్తున్నాడు. కృతి శెట్టి హీరోయిన్‌గా పరిచయం అవుతుంది. సుకుమార్ శిష్యుడు బుచ్చిబాబు దర్శకత్వం వహిస్తున్నాడు.