భారీ అగ్ని ప్రమాదం.. నలుగురు సజీవదహనం

దిశ, వెబ్‌డెస్క్: దేశ రాజధాని ఢిల్లీలో భారీ అగ్ని ప్రమాదం జరిగింది. షాక్ సర్క్యూట్ వల్ల ఓల్డ్ సీమాపురిలోని మూడు అంతస్తుల భవనంలో అగ్ని ప్రమాదం జరిగింది. ఈ ప్రమాదంలో నలుగురు అక్కడికక్కడే మృతిచెందగా, మరికొందరు తీవ్రంగా గాయపడినట్లు సమాచారం. మంగళవారం తెల్లవారుజామున ఈ ప్రమాదం చోటుచేసుకుంది. సమాచారం అందుకున్న వెంటనే ఘటనా స్థలానికి చేరుకున్న అగ్నిమాపక సిబ్బంది సహాయక చర్యలు చేపట్టారు. ప్రమాదానికి సంబంధించిన పూర్తి వివరాలు తెలియాల్సి ఉంది.