కరోనా భయంతో వ్యక్తి ఆత్మహత్య

కరోనా లక్షణాలు ఉన్నాయన్న భయంతో ఓ వ్యక్తి ఆత్మహత్యకు పాల్పడ్డాడు. ఈ ఘటన ఢిల్లీలోని సప్దర్ జంగ్ ఆసుపత్రిలో చోటుచేసుకుంది. సదరు వ్యక్తికి స్ర్కీనింగ్ పరీక్షల్లో కరోనా లక్షణాలు కనిపించడంతో ఢిల్లీ విమానాశ్రయ అధికారులు ఢిల్లీ సప్దర్ జంగ్ ఆసుప్రతికి తరలించారు. అనంతరం అతన్ని ఆసుపత్రిలోని ఏడో అంతస్తులోని ఐసోలేషన్ వార్డుకు తరలించారు. ఈ క్రమంలో తీవ్ర ఒత్తిడికి గురైన బాధితుడు తాను చికిత్స పొందుతున్న వార్డు నుంచి దూకి ఆత్మహత్య చేసుకున్నాడు. పోలీసులు కేసు నమోదు చేసుకుని దర్యాప్తు ప్రారంభించారు.

Tags: corona, fear, man suicide, delhi