షూటింగ్ కోసం వెయిటింగ్ : మాళవిక

దిశ, వెబ్‌డెస్క్: లక్కీయెస్ట్ హీరోయిన్ మాళవికా మోహనన్ ఇళయ తళపతి విజయ్‌తో ‘మాస్టర్’ సినిమా కంప్లీట్ చేయగానే వెంటనే సూపర్ స్టార్ ధనుష్ పక్కన నటించే చాన్స్ కొట్టేసింది. కార్తీక్ నరేన్ దర్శకత్వంలో వస్తున్న ఈ మూవీ ధనుష్‌కు 43వ చిత్రం. తాజాగా ఇచ్చిన ఇంటర్వ్యూలో సినిమాకు సంబంధించిన విషయాలను షేర్ చేసుకుంది భామ. ధనుష్ జర్నలిస్ట్‌గా కనిపించనున్న చిత్రం డిసెంబర్ నుంచి సెట్స్ మీదకు వెళ్లే అవకాశం ఉందని తెలిపింది. షూటింగ్ స్టార్ట్ చేసేందుకు ఫిల్మ్ మేకర్స్ సిద్ధంగా ఉన్నారనీ. తాను కూడా సెట్‌లోకి వెళ్లేందుకు ఆసక్తిగా ఎదురుచూస్తున్నానని తెలిపింది. త్వరలో దీనిపై మేకర్స్ మరిన్ని విషయాలు షేర్ చేసే అవకాశం ఉంది.

ఇక లాక్ డౌన్‌కు ముందే కంప్లీట్ అయిన ‘మాస్టర్’ సినిమా రిలీజ్ కోసం వెయిట్ చేస్తోంది మాళవిక. లోకేశ్ కనగరాజ్ డైరెక్షన్‌లో వచ్చిన మూవీ టీజర్ ఇప్పటికే రికార్డులు బ్రేక్ చేయగా..విజయ్ సేతుపతితోపాటు ఆండ్రియా, శంతను కీలకపాత్రల్లో కనిపించబోతున్నారు. 2021 సంక్రాంతికి మూవీ విడుదలయ్యే అవకాశం ఉండగా.. అనిరుధ్ రవిచంద్రన్ మ్యూజిక్ అందించిన సినిమా సాంగ్స్ ట్రెండింగ్‌లో ఉన్నాయి. మాళవిక షాహిద్ కపూర్‌తో కలిసి త్వరలోనే డిజిటల్ ఎంట్రీ కూడా ఇవ్వనుంది.