లోకల్ ట్రైన్‌లో యువతి అశ్లీల డాన్స్..! రైల్వే డిపార్ట్మెంట్ రియాక్షన్ ఇదే..(వీడియో)

దిశ, ఫీచర్స్: ఈ మధ్య కాలంలో ట్రైన్లలో పిచ్చిపిచ్చిగా గంతులు వేయడం, వాటిని వీడియోలు తీసి సోషల్ మీడియాలో పెట్టడం ఇప్పుడు ఓ ట్రెండ్ అయిపోయింది. ముఖ్యంగా ఢిల్లీ మెట్రో ట్రైన్‌లో ఈ రకమైన వీడియోలు ఎక్కువగా వైరల్ అవుతున్నాయి. వారిపై కఠిన చర్యలు తీసుకుంటామని అధికారులు చెబుతూనే ఉన్నా కూడా ఇలాంటి అభ్యంతరకర వీడియోలు వెలుగులోకి వస్తూనే ఉన్నాయి. ఇప్పుడు ముంబై లోకల్ ట్రైన్లోనూ ఇదే విధంగా ఓ యువతి అందరూ చూస్తుండగానే డ్యాన్స్ చేసింది. భోజ్పురి పాటకు స్టెప్పులేసిన వీడియో సోషల్ మీడియాలో తెగ వైరల్ అవుతోంది.

లేడీస్ కోచ్తో పాటు జనరల్ కోచ్లో డ్యాన్స్ చేస్తూ వీడియో షూట్ చేసింది. ఆ యువతిపై ప్రయాణికులు అసహనం వ్యక్తం చేశారు. చాలా మంది ముంబై లోకల్ ట్రైన్ అకౌంట్‌ని ట్యాగ్ చేస్తూ వీడియోలు పోస్ట్ చేశారు. పబ్లిక్ ట్రాన్స్పోర్ట్ లో ఇలాంటి అశ్లీల నృత్యాలు చేయడమేంటి అని ప్రశ్నిస్తున్నారు. ఇది చాలా అసౌకర్యం కలిగించిందని మండి పడుతున్నారు. ఆ యువతిపై కఠిన చర్యలు తీసుకోవాలని డిమాండ్ చేశారు.

ఈ పోస్టులపై ముంబై సెంట్రల్ రైల్వే స్పందించి.. సెక్యూరిటీ డిపార్ట్మెంట్ వెంటనే ఈ ఘటనపై దర్యాప్తు చేపట్టాలని ఆదేశాలు జారీ చేసింది. కఠిన చర్యలు తీసుకోవాలని తేల్చిచెప్పింది. "మా దృష్టికి తీసుకు వచ్చినందుకు ధన్యవాదాలు. భద్రతా అధికారులకు సమాచారం అందించాం. కఠిన చర్యలు తీసుకుంటాం" అని వెల్లడించింది. కాగా ఇప్పటికే ఈ యువతి ఓసారి అరెస్ట్ అయిందని, పోలీసులు వార్నింగ్ ఇచ్చి పంపించారని ఓ నెటిజన్ చెప్పాడు. "ఆమెను సోషల్ మీడియాలో ఫాలో అవుతున్నారు కాబట్టే ఇలాంటివి చేస్తుంది" అంటూ మరో నెటిజన్ మండి పడ్డాడు. ప్రస్తుతం ఈ వార్త నెట్టింట హాట్ టాపిక్ అయ్యింది.