గొరిల్లాలు ఎందుకు గుండెలు బాదుకుంటాయి? షాకింగ్ విషయాలు వెల్లడించిన పరిశోధకులు

దిశ, ఫీచర్స్: సాధారణంగా గొరిల్లాలు తమ చేతులతో ఛాతీ మీద లయబద్ధంగా కొట్టుకుంటాయి. చాలా సేపు ఇదే పద్ధతిని కొనసాగిస్తాయి. ముఖ్యంగా సిల్వర్ బ్యాక్స్ గా పిలువబడే మగ గొరిల్లాలు ఇలా చేస్తుంటాయి. కాగా ఈ ప్రవర్తనపై పరిశోధనలు చేసిన సైంటిస్టులు.. దేని వెనుక అనేక కారణాలు ఉన్నాయని చెప్తున్నారు. ఇది గొరిల్లా సామాజిక జీవితంలో కమ్యూనికేషన్, సంభోగం, రక్షణతో సహా అనేక కీలకమైన విధులకు సంకేతంగా ఉందని తెలిపారు.

• ఛాతీ కొట్టుకోవడం నాన్ వోకల్ కమ్యూనికేషన్ అని.. చాలా దూరం ప్రయాణించగల శక్తివంతమైన ధ్వని సృష్టించడం ద్వారా, గొరిల్లాలు ఆధిపత్యాన్ని చాటుకోవడానికి, తమ భూభాగాన్ని రక్షించుకోవడానికి ఈ ప్రదర్శనను ఉపయోగిస్తాయి. ఎంత దూరం ఆ శబ్దం ప్రయాణిస్తుందో.. ఆ పరిధిలోకి మరో సమూహానికి చెందిన గొరిల్లాలు ఎంటర్ అయ్యే అవకాశం ఉండదు.
• గుండెలు బాదుకోవడం ద్వారా గొరిల్లాలు తమ బలాన్ని, ఉనికిని సూచిస్తాయి. తమ అధికారం గురించి నొక్కి చెప్తూ.. ప్రత్యర్థులను నిరోధించే సిగ్నల్ ఇస్తాయి.
  
• ఇక ఫిట్ నెస్ కు ప్రతిరూపంగా కూడా వర్ణించే ఈ ప్రదర్శన ఆడ గొరిల్లాను ఆకర్షించేందుకు ఉపయోగిస్తాయి. ఈ సంకేతంలోనే సంభోగానికి అనుకూలతను అంచనా వేసే ఆడ జంతువులు నచ్చితే కమ్యూనికేట్ అవుతాయి.
• తమ ఆధీనంలో ఉన్న చిన్న గొరిల్లాలకు సామాజిక నైపుణ్యాలను అందించేందుకు ఈ పద్ధతిని వినియోగిస్తాయి. బాల్యం నుంచే తమ ఆటలో ఇలా నేర్పించడం ద్వారా పెద్దయ్యాక శారీరక సామర్థ్యాలను ప్రదర్శించే అవకాశం ఉంటుంది. మొత్తానికి గొరిల్లా సొసైటీ డైనమిక్స్ లో గుండెలు బాదుకోవడం మల్టీ పర్పస్ గా యూజ్ చేయబడుతుంది.