పోర్న్ డౌన్‌లోడ్ హబ్‌గా సికింద్రాబాద్ రైల్వేస్టేషన్.. ఉచిత సేవలతో..

దిశ, ఫీచర్స్ : ఇండియాలోని వేలాది రైల్వే స్టేషన్స్‌లో ఉచిత వై-ఫై సేవలు అందుబాటులోకి వచ్చేశాయి. ప్రయాణికులకు మెరుగైన సౌకర్యాన్ని అందించాలనే ఉద్దేశంతో ఇండియన్ రైల్వేస్ ఈ నిర్ణయం తీసుకున్నా.. దుర్వినియోగం అవుతున్నట్లు కనిపిస్తుంది.

భారతీయ రైల్వే కింద పనిచేసే అతిపెద్ద న్యూట్రల్ టెలికాం ఇన్‌ఫ్రాస్ట్రక్చర్ సంస్థలలో ఒకటైన రైల్‌టెల్ విభాగం ఇచ్చిన రిపోర్ట్ ఈ విషయాన్నే చెప్తోంది. రైల్వే స్టేషన్లలో ఫ్రీ వై-ఫై ప్రధానంగా పోర్న్ కంటెంట్‌ చూడటానికి, డౌన్‌లోడ్ చేయడానికి ఉపయోగపడుతుందని తెలిపింది. దక్షిణ మధ్య రైల్వేలో సికింద్రాబాద్ రైల్వేస్టేషన్ ఈ లిస్టులో మొదటి స్థానంలో ఉండగా.. తర్వాతి స్థానాల్లో విజయవాడ, తిరుపతి ఉండటం విశేషం. ఇకపోతే సికింద్రాబాద్, విజయవాడలో మొత్తం పోర్నోగ్రఫీ సెర్చ్‌లు, డౌన్‌లోడ్‌లు ఏకంగా 35శాతంగా నమోదవడం గమనార్హం.

సగటున ఒక వినియోగదారుడు 30నిమిషాలలో దాదాపు 350 MBని వినియోగిస్తున్నారు. అందులో 90శాతం పోర్న్ సైట్‌లు ఉంటున్నాయి.

- సీనియర్ రైల్‌టెల్ అధికారి