రోజు పెదవులకు లిప్ స్టిక్ రాసుకుంటున్నారా.. ఈ విషయాలను గుర్తుంచుకోండి..

దిశ, ఫీచర్స్ : అమ్మాయిల అందాన్ని పెంచే సాధనాల్లో లిప్ స్టిక్ ఒకటి. వివిధ షేడ్స్ లిప్ స్టిక్ స్త్రీల అందాన్ని రెట్టింపు చేస్తుంది. అందుకే మహిళల బ్యాగ్‌లలో కనిపించే వస్తువుల్లో లిప్‌స్టిక్‌ తప్పనిసరిగా కనిపిస్తుంది. కొంతమంది మహిళలు తమ దుస్తులకు మ్యాచింగ్, చర్మానికి సరిపడా రంగును బట్టి లిప్‌స్టిక్‌లను వేసుకుంటారు.

కొంతమంది అమ్మాయిలకు ప్రతిరోజూ లిప్ స్టిక్ వేసుకునే అలవాటు ఉంటుంది. మరికొంతమంది అమ్మాయిలు వారి వృత్తికి అనుగుణంగా ప్రతిరోజూ మేకప్‌తో పాటు డార్క్ లిప్‌స్టిక్‌ను ధరించాలి. అలాంటప్పుడు పెదవులు పొడిబారకుండా, నల్లగా మారకుండా నిరోధించడానికి కొన్ని చిట్కాలను పాటించవచ్చు.

1. లోకల్ లిప్‌స్టిక్‌ని ఉపయోగించవద్దు..

మీరు రోజూ లిప్ స్టిక్ వేసుకుంటే పొరపాటున కూడా లోకల్ లిప్ స్టిక్ ను ఉపయోగించకండి. బదులుగా మీరు మంచి బ్రాండ్ లిప్‌స్టిక్‌ను తీసుకోవడం మంచిది. డబ్బు ఆదా చేయడానికి లోకల్ లిప్‌స్టిక్‌ను కొనుగోలు చేస్తే త్వరలోనే దానికి మూల్యం చెల్లించాల్సి ఉంటుంది. వాస్తవానికి ఈ లిప్‌స్టిక్‌లలో చాలా హానికరమైన రసాయనాలు ఉంటాయి. ఇవి మీ పెదాలకు హాని కలిగిస్తాయి.

2. ఇంగ్రిడియన్స్ పై శ్రద్ధ..

మార్కెట్ నుండి ఏదైనా లిప్‌స్టిక్‌ను కొనుగోలు చేసేటప్పుడు మొదట దాని పదార్థాల పై శ్రద్ధ వహించడం ముఖ్యం. మీకు ఇప్పటికే అలెర్జీ ఉన్న ఏదైనా ఉత్పత్తిని పొరపాటున కొనుగోలు చేయవద్దు. ఎల్లప్పుడూ పారాబెన్, లీడ్ ఫ్రీ లిప్‌స్టిక్‌ని ఉపయోగించండి.

3. పెదవులను మాయిశ్చరైజ్ చేయాలి..

ప్రతిరోజూ లిప్‌స్టిక్‌ను అప్లై చేయడం వల్ల, మీ పెదాలు త్వరగా పొడిగా మారతాయి. అలాంటప్పుడు లిప్‌స్టిక్‌ను రాసేముందు పెదాలను తేమగా ఉంచడం చాలా ముఖ్యం. ఇందుకోసం లిప్ స్టిక్ వేసుకునే ముందు లిప్ బామ్ లేదా లిప్ ఆయిల్ రాసుకుని కాస్త మసాజ్ చేసుకోవచ్చు. అలాగే ప్రతి రాత్రి పడుకునే ముందు లిప్ బామ్ రాయండి. దీనితో పాటు వారానికి ఒకసారి లిప్ స్క్రబ్ చేయండి.

4. లిప్ ప్రైమర్..

మేకప్ వేసుకునే ముందు ప్రైమర్ అప్లై చేయడం ఎంత అవసరమో, అలాగే లిప్ స్టిక్ వేసుకునే ముందు లిప్ ప్రైమర్ కూడా వాడాలి. దీని కారణంగా లిప్‌స్టిక్ మీ పెదాలకు హాని కలిగించదు, రోజంతా తేమగా కనిపిస్తుంది. లిప్ ప్రైమర్‌లు మీ పెదవులు, లిప్‌స్టిక్‌ల మధ్య అవరోధంగా పనిచేస్తాయి. ఇది మీ పెదాలకు హాని కలిగించదు.