World’s First Robot Boxing: రోబోలు బాక్సింగ్ చేస్తాయి.. త్వరలో 'రోబోట్ బాక్సింగ్ ఈవెంట్' ఎక్కడంటే?

దిశ, వెబ్ డెస్క్:World’s First Robot Boxing: ప్రపంచంలోనే మొదటిసారిగా రెండు హ్యుమనాయిడ్ రోబోల మధ్య బాక్సింగ్ పోటీ జరగనుంది. వచ్చే నెల మేలో జరగనున్న ఈ బాక్సింగ్ పోటీకి సంబంధించి ప్రత్యక్ష ప్రసారాన్ని చేపడుతున్నట్లు చైనా రోబోటిక్ సంస్థ యునిట్రీ తాజాగా వెల్లడించింది. ఈ పోటీకి సంబంధించి ఓ ప్రమోషనల్ వీడియోను కూడా సంస్థ విడుదల చేసింది. 4.3 అడుగుల ఎత్తున జీ1 హ్యూమనాయిడ్,5.11 అడుగుల ఎత్తున్న హెచ్ 1 మోడల్ రోబోల మధ్య ఈ బాక్సింగ్ పోటీ నిర్వహిస్తున్నట్లు తెలిపింది.

ఇది 3D LiDAR, RealSense డెప్త్ కెమెరా, నాయిస్-కాన్సిలింగ్ మైక్రోఫోన్ వంటి అధునాతన సాంకేతికతలతో అమర్చి ఉంటుంది. దీనికి శక్తినివ్వడానికి, 9,000mAh బ్యాటరీ అందించింది. దీనికి ఆక్టా-కోర్ CPU కూడా ఉంది. దాని చేతులు, కాళ్ళు, మొండెం దాని కదలికకు సహాయపడే శక్తివంతమైన కీళ్ళను కలిగి ఉంటాయి. హెచ్ 1 మోడల్..యూనిట్రీ ప్రధాన రోబో అత్యుత్తమ కంప్యూటింగ్ శక్తి, అత్యంత చురుకైన చలన నియంత్రణ దీని సొంతం. ఈ ఏడాది జనవరిలో యూనిట్రీ తన రోబోల అద్భుతమైన నృత్య నైపుణ్యాలను ప్రదర్శించిన సంగతి తెలిసిందే. తాజాగా రోబోల బాక్సింగ్ పోటీలకు రెడీ అయ్యింది.

అయితే ఈ ఈవెంట్ తేదీని యూనిట్రీ ఇంకా వెల్లడించనప్పటికీ, ఇది రాబోయే కొన్ని వారాల్లో జరుగుతుందని చెబుతున్నారు. G1 మోడల్స్ మాత్రమే పోటీ పడతాయా లేదా కంపెనీ మరింత అధునాతన మోడల్ H1 (ఇది 5 అడుగుల 11 అంగుళాల పొడవు ఉంటుంది) కూడా ఈ యుద్ధంలో పాల్గొంటుందా అనేది కూడా స్పష్టంగా లేదు. రోబోల పోరాటం ఇప్పుడు కొంచెం వికృతంగా అనిపించవచ్చు. కానీ ఇది ఒక పెద్ద మార్పుకు నాంది. భవిష్యత్తులో రోబోల వాడకం కేవలం పారిశ్రామిక లేదా పరిశోధన పనులకే పరిమితం కాదు. వినోద ప్రపంచంలో కూడా అవి పెద్ద పాత్ర పోషిస్తాయని చెప్పవచ్చు.