ఫ్రీగా ఐస్ క్రీమ్ కావాలా నాయనా!.. అక్కడ బిగ్గరగా అరిస్తే చాలు..

దిశ, ఫీచర్స్: సాధారణంగా వేసవి కాలం వస్తే చాలు పిల్లలు, పెద్దలు అనే తేడా లేకుండా డబ్బులతో ఐస్ క్రీమ్ కొనుక్కొని తింటారు. అలా కాకుండా గట్టిగా అరిస్తే ఫ్రీగా ఐస్ క్రీమ్ దొరికితే ఎలా ఉంటుందో ఒక్కసారి ఆలోచించండి. అసలు ఎక్కడైనా ఫ్రీగా ఐస్ క్రీం ఇస్తారా మన పిచ్చి అనుకుంటే మీరు సాంబార్‌లో కాలేసినట్లే.. ఎందుకంటే సింగపూర్‌లోని ఒక షాప్ లోని మిషన్‌ ముందు ఎవరైనా గట్టిగా అరిస్తే ఆ మిషన్ లోపల కర్టెన్ పైకి లేచి వారికి ఐస్‌క్రీమ్ ఫ్రీగా ఇస్తుంది. ప్రస్తుతం ఆ వీడియో సోషల్ మీడియాలో వైరల్ అవుతోంది.

తాజాగా @Rainmaker1973 అనే IDతో ట్విట్టర్‌లో షేర్ అయిన వీడియోలో మెషిన్ ముందు ఓ యువకుడు నిలబడి స్టార్టింగ్‌లో మెల్లగా అరిచాడు. దీంతో ఆ షాప్ కర్టెన్ కొద్దిగా పైకి లేచి మళ్ళీ కిందకి దిగి పోయింది. దాంతో ఈ సారి కర్టెన్ పైకి వెళ్లేంత గట్టిగా అరుస్తాడు. అప్పుడు అతనికి ఫ్రీగా ఐస్ క్రీం లభిస్తుంది. దీంతో ఇదేదో బాగుంది అన్నట్టు తర్వాత మరికొందరు కూడా గట్టిగా కేకలు వేస్తూ వారు కూడా ఐస్ క్రీం ఫ్రీగా గెలుచుకున్నారు. కాగా కేవలం 15 సెకన్ల ఈ వీడియోను ఇప్పటివరకు 28 వేలకు పైగా వీక్షించగా, వందలాది మంది లైక్ చేశారు. ఈ వీడియో చూసిన నెటిజన్లు మనిషి ఫ్రీగా వస్తుందంటే చాలు ఏమి చేయడానికైనా రెడీ అని..కామెంట్లు చేస్తున్నారు. ప్రస్తుతం ఈ వీడియో నెట్టింట తెగ వైరల్ అవుతుంది.