చిన్నారులను కిడ్నాప్ చేస్తున్న కి'లేడీ'లు పరార్

దిశ, నిజామాబాద్ :నిజామాబాద్ నగరం లో కలకలం రేగింది. మాయలేడిలు కొందరు బాలుడి అపహరణకు యత్నం చేసారు. ఈ సంఘటన బుధవారం మధ్యాహ్నం నిజామాబాద్ నగరంలోని 1 టౌన్,3 టౌన్ పరిధిలో వెలుగుచూసింది. ఆరుగురు మహిళలు భిక్షాటన పేరుతో ఒక ఇంట్లో ఉన్న ముసలావిడ మనవడిని కిడ్నాప్ చేసే యత్నం చేసారు.అంతలోనే ముసలావిడ ఇంటి పైన ఉన్న కూతుర్ని పిలిచేలోపు పరారయ్యారు.అంతేకాకుండా రోడ్డుపై వీరి వ్యవహారాన్ని కొంతమంది సెల్ ఫోన్లో చిత్రీకరిస్తూ ముసుగు తీయాలని అడ్డుకోవడంతో, మహిళలు వారిపై రాళ్లతో ఎదురుదాడికి పాల్పడ్డారు. వారి వద్ద ఉన్న మరికొంతమంది పిల్లలను తీసుకొని పరారయ్యారు. దీంతో స్థానికులు పోలీసులకు సమాచారం అందించారు. అనుమానిత వ్యక్తులు ఎవరైనా కనిపిస్తే స్థానిక పోలీస్ స్టేషన్లో ఫిర్యాదు చేయాలని పోలీసులు కోరారు