వారి సపోర్ట్‌తోనే షర్మిల సీఎం అవుతారు: కంచె ఐలయ్య

దిశ, తెలంగాణ బ్యూరో: తెలంగాణ‌లో పార్టీ పెట్టే హ‌క్కు ష‌ర్మిల‌కు వంద‌శాతం ఉంద‌ని ప్రొఫెస‌ర్ కంచె ఐల‌య్య అన్నారు. ఇందిరా పార్క్ వ‌ద్ద ష‌ర్మిల చేప‌డుతున్న ఉద్యోగ దీక్షకు ఆయ‌న‌తో పాటు బీసీ సంఘం నేత ఆర్.కృష్ణయ్య, ఐజేయూ జ‌న‌ర‌ల్ సెక్రటరీ శ్రీ‌నివాస్‌ రెడ్డి మద్దతు తెలిపారు. ఈ సంద‌ర్భంగా కంచె ఐలయ్య మాట్లాడుతూ.. షర్మిల చేప‌ట్టే ఈ పోరాటానికి త‌న సపోర్ట్ ఉంటుంద‌న్నారు. ఫాల్స్ తెలంగాణ వాదులు ఎన్ని చెప్పినా పట్టించుకోవద్దని ష‌ర్మిల‌ను కోరారు. రుద్రమదేవి, సమ్మక్క సారక్క, చాకలి ఐలమ్మ వారసత్వాన్ని పుణికిపుచ్చుకొని పోరాడాల‌న్నారు. మహిళలు కూడా మద్దతుగా నిలిచి ష‌ర్మిల‌ను సీఎంను చేస్తారని ఆయ‌న జోస్యం చేశారు. నిరుద్యోగుల‌కు సీఎం కేసీఆర్ ఒక్క ఉద్యోగం కూడా ఇవ్వలేద‌ని, బీజేపీ పాలిత రాష్ట్రాల్లోనూ ప్రభుత్వ ఉద్యోగాలు లేవ‌ని కంచె ఐలయ్య విమర్శలు చేశారు.