TSPSC: గ్రౌండ్ వాట‌ర్ డిపార్ట్‌మెంట్‌లో ఉద్యోగాల భ‌ర్తీ

దిశ, డైనమిక్ బ్యూరో: భూగ‌ర్భ జ‌ల‌శాఖ‌ (గ్రౌండ్ వాట‌ర్ డిపార్ట్‌మెంట్‌)లో ఖాళీగా ఉన్న గెజిటెడ్, నాన్ గెజిటెడ్ ఉద్యోగాల భ‌ర్తీకి సంబంధించిన ప‌రీక్షల తేదీల‌ను తెలంగాణ స్టేట్ పబ్లిక్ సర్వీస్ కమిషన్ వెల్లడించింది. గెజిటెడ్ కేట‌గిరి పోస్టుల‌కు జులై 18, 19 తేదీల్లో, నాన్ గెజిటెడ్ పోస్టుల‌కు జులై 20, 21 తేదీల్లో ప‌రీక్షలు నిర్వహించ‌నున్నట్లు టీఎస్‌పీఎస్సీ శనివారం ఒక ప్రకటనలో తెలిపింది.

గెజిటెడ్, నాన్ గెజిటెడ్ పోస్టుల ప‌రీక్షల‌కు సంబంధించిన హాల్ టికెట్లను టీఎస్‌పీఎస్సీ వెబ్‌సైట్‌లో అందుబాటులో ఉంచినట్లు పేర్కొంది. ప‌రీక్షా స‌మయానికి 45 నిమిషాల ముందు వ‌ర‌కు హాల్ టికెట్లు అందుబాటులో ఉంటాయ‌ని సూచించింది. ఈ ప‌రీక్షల‌న్నీ కంప్యూట‌ర్ బేస్డ్ టెస్టు విధానంలో నిర్వహించ‌నున్నట్లు పేర్కొంది.