గుడ్‌న్యూస్: తెలంగాణ ప్రభుత్వం నుంచి మరో జాబ్ నోటిఫికేషన్ విడుదల
నిరుద్యోగులకు తెలంగాణ ప్రభుత్వం మరో గుడ్ న్యూస్ చెప్పింది.
దిశ, వెబ్‌డెస్క్: నిరుద్యోగులకు తెలంగాణ ప్రభుత్వం మరో గుడ్ న్యూస్ చెప్పింది. కమిషనర్ ఆఫ్ హెల్త్ అండ్ ఫ్యామిలీ వెల్ఫేర్ విభాగంలో 1,520 మల్టీపర్పస్ హెల్త్ అసిస్టెంట్ (ఫిమేల్‌) పోస్టుల భర్తీకి బుధవారం నోటిఫికేషన్ విడుదల చేసింది. ఆగస్టు 25 వ తేదీ నుండి ఆన్‌లైన్ దరఖాస్తులు ఆహ్వానిస్తున్నట్లు వెల్లడించింది.
ఈ పోస్టుల భర్తీకి ఓఎంఆర్ లేదా కంప్యూటర్ బేస్డ్ రాత పరీక్ష ఉంటుందని పరీక్షకు సంబంధించిన వివరాలు తర్వాత వెల్లడిస్తామని పేర్కొన్నారు. ఈ నోటిఫికేషన్‌కు సంబంధించిన వివరాలను ఆరోగ్యశాఖ మంత్రి హరీశ్ రావు ట్విట్టర్‌లో వెల్లడించారు. వైద్య ఆరోగ్య శాఖలో కొలువుల జాతర కొనసాగుతోందని, అభ్యర్థులందరికీ శుభాకాంక్షలు తెలిపారు.
మొత్తం పోస్ట్‌లు: 1,520
పోస్ట్ పేరు: మల్టీపర్పస్ హెల్త్ అసిస్టెంట్
దరఖాస్తు ప్రారంభ తేదీ: ఆగస్టు 25
చివరి తేదీ: సెప్టెంబర్ 19