ఏకలవ్య స్కూళ్లలో 10,391 పోస్టులకు దరఖాస్తు తేదీ పొడిగింపు

దిశ, వెబ్‌డెస్క్: ఏకలవ్య మోడల్ రెసిడెన్షియల్ స్కూళ్లలో ఖాళీగా ఉన్నటువంటి 10,391 పోస్ట్‌లకు గతంలో నోటిఫికేషన్ విడుదల చేయగా దరఖాస్తు తేదీని తాజాగా పొడిగించారు. నోటిఫికేషన్ ప్రకారం అర్హత కలిగిన అభ్యర్థులు అక్టోబర్ 19వ తేదీ లోపు అప్లై చేసుకోవచ్చని అధికారులు ఒక ప్రకటనలో పేర్కొన్నారు. ఆగస్టు 18న దరఖాస్తు ప్రక్రియ ముగియగా ఆ తేదీని ఇప్పుడు పొడిగించారు. కాబట్టి ఎవరైతే దరఖాస్తు చేయలేదో వారు నిర్ణిత సమయంలోగా అప్లై చేసుకోగలరు. ఈ నోటిఫికేషన్ ద్వారా దేశవ్యాప్తంగా ఉన్నటువంటి ఏకలవ్య మోడల్ స్కూళ్లలో ప్రిన్సిపాల్, ట్రెయిన్డ్ గ్రాడ్యుయేట్ టీచర్, హాస్టల్ వార్డెన్(మేల్/ఫిమేల్), పీజీటీ, అకౌంటెంట్, జూనియర్ సెక్రటేరియట్ అసిస్టెంట్, ల్యాబ్ అసిస్టెంట్ పోస్టులను భర్తీ చేస్తారు. ఈ ఉద్యోగాలకు బీఈడీ, డీఈడీ, సీటెట్, డిగ్రీ, డిప్లొమా తదితర అర్హతలు కలిగి ఉండాలి.