తెలంగాణ గురుకుల ఉద్యోగాల హాల్‌టికెట్లు విడుదల

దిశ, వెబ్‌డెస్క్: తెలంగాణ రాష్ట్రంలోని వివిధ గురకుల విద్యాసంస్థల్లో 9,210 టీచర్ పోస్టుల కోసం ఇటీవల నోటిఫికేషన్ విడుదల అయిన విషయం తెలిసిందే. అయితే తాజాగా ఈ ఉద్యోగాలకు సంబంధించిన హాల్‌టికెట్లను నియామక బోర్డు విడుదల చేసింది. ఈ పోస్టుల‌కు ఆగస్టు 1వ తేదీ నుంచి 23వ తేదీ వరకు ఆన్‌లైన్ విధానంలో పరీక్షలు నిర్వహించనున్నట్లు బోర్డు తెలిపింది. పరీక్షలను మూడు షిఫ్ట్‌లుగా నిర్వహిస్తుంది. మొదటి షిఫ్ట్ ఉదయం 8.30 నుంచి 10.30 వరకు, రెండో షిఫ్ట్ 12.30 నుంచి 2.30 వరకు, మూడో షిఫ్ట్ సాయంత్రం 4.30 నుంచి 6.30 వరకు నిర్వహిస్తారు. మొత్తం 9,210 పోస్టులకు గాను 2.63 లక్షల మందికి పైగా దరఖాస్తు చేసుకున్నారు. ఒక్క పోస్టుకు సగటున 29 మంది అభ్యర్ధులు పోటీ పడుతున్నారు.