RBI అసిస్టెంట్ ప్రిలిమ్స్ రాతపరీక్ష ఫలితాలు విడుదల

దిశ, వెబ్‌డెస్క్: దేశీయ అతిపెద్ద రిజర్వ్ బ్యాంక్ ఆఫ్ ఇండియా(RBI) గతంలో 450 అసిస్టెంట్ పోస్టుల భర్తీకి నోటిఫికేషన్ విడుదల చేసిన సంగతి తెలిసిందే. ప్రిలిమ్స్, మెయిన్స్, లాంగ్వేజ్ ప్రొఫిషియన్సీ పరీక్ష ద్వారా అభ్యర్థులను ఎంపిక చేస్తారు. మొదటగా ఉద్యోగాలకు దరఖాస్తు చేసుకున్న వారికి నవంబర్‌ 18, 19 తేదీల్లో ప్రిలిమ్స్ ఎగ్జామ్‌ను నిర్వహించారు. తాజాగా ప్రిలిమ్స్ రాతపరీక్ష ఫలితాలు విడుదల చేశారు. అభ్యర్థులు ఆర్‌బీఐ అధికారిక సైట్ ద్వారా ఫలితాలను చూసుకోవచ్చు. మూడంచెలలో జరిగే ఈ ఉద్యోగాల భర్తీకి ప్రిలిమ్స్‌లో ఉత్తీర్ణత సాధించిన వారు తదుపరి మెయిన్స్ ఎగ్జామ్ రాయాల్సి ఉంటుంది. ఈ పరీక్షను డిసెంబర్‌ 31న నిర్వహించనున్నారు. ఉద్యోగాలకు ఎంపికైన అభ్యర్థులు దేశవ్యాప్తంగా ఆర్‌బీఐ బ్రాంచుల్లో పనిచేయాల్సి ఉంటుంది.

ఫలితాలు:  https://rbidocs.rbi.org.in/rdocs/content/pdfs/ASSISTANT2023RESULT15122023.pdf