లా సెట్, పీజీఎల్ సెట్ షెడ్యూల్ ఖరారు

దిశ, కెరీర్: తెలంగాణలో లాసెట్, పీజీఎల్ సెట్ షెడ్యూల్ ఖరారైంది. మార్చి 1న లాసెట్, పీజీఎల్ సెట్ నోటిఫికేషన్ విడుదల కానున్నాయని తెలంగాణ ఉన్నత విద్యా మండలి ఛైర్మన్ ఆర్. లింబాంద్రి వెల్లడించారు. ఈ షెడ్యూల్‌ను ఉస్మానియా ఓయూ వీసీ డి.రవిందర్, లాసెట్ కన్వీనర్ బి.విజయలక్ష్మీతో కలిసి ఆయన విడుదల చేశారు. మార్చి 2 నుంచి ఏప్రిల్ 6 వరకు లాసెట్, పీజీఎల్ సెట్ కు దరఖాస్తులు స్వీకరించనున్నారు. ఆలస్య రుసుంతో మే 3 వరకు దరఖాస్తు చేసుకునే అవకాశం కల్పించారు. మే 16 నుంచి హాల్‌టికెట్లు జారీ కానున్నాయి. మే 25న పరీక్ష నిర్వహించనున్నారు. వివరాలకు అధికారిక వెబ్‌సైట్ చూడొచ్చు.. అని అధికారులు సూచించారు.

త్వరలో ఈ సెట్ నోటిఫికేషన్:

మార్చి 1న ఈసెట్ నోటిఫికేషన్ విడుదల కానుంది. మార్చి 2 నుంచి మే 2 వరకు దరఖాస్తులు స్వీకరించనున్నారు. ఆలస్య రుసుంతో మే 12 వరకు దరఖాస్తు చేసుకోవచ్చు. మే 15 నుంచి హాల్ టికెట్లు జారీ కానున్నాయి. మే 20న ఈసెట్ పరీక్ష నిర్వహించనున్నారు.