గుడ్ న్యూస్.. దరఖాస్తుల గడుపు పొడిగింపు

దిశ, డైనమిక్ బ్యూరో: రాష్ట్రంలో అసిస్టెంట్ ప్రొఫెసర్లు, డిగ్రీ కళాశాల లెక్చరర్ల ఉద్యోగాలకు అర్హత కోసం నిర్వహించే తెలంగాణ రాష్ట్ర అర్హత పరీక్ష (టీఎస్ సెట్) దరఖాస్తుల గడువు పొడిగించారు. తొలుత ప్రకటించినట్లుగా ఈ దరఖాస్తులకు గడువు ఆగస్టు 29తో ముగియనుండగా.. తాజాగా సెప్టెంబర్ 4 వరకు పొడిగించారు. ఈ మేరకు టీఎస్ సెట్ కార్యదర్శి ప్రొఫెసర్ సి.మురళీకృష్ణ బుధవారం ఒక ప్రకటనలో పేర్కొన్నారు. ఆలస్యం సురుము రూ.1500 చెల్లించి సెప్టెంబర్ 10 వరకు, రూ.2 వేలు చెల్లించి సెప్టెంబర్ 18 వరకు, రూ.3 వేల లేట్ ఫీజు చెల్లించి సెప్టెంబర్ 24 వరకు దరఖాస్తు చేసుకోవడానికి అవకాశం ఉందని తెలిపారు. హాల్ టికెట్లు అక్టోబర్ 20 నుంచి డౌన్ లోడ్ చేసుకునే అవకాశం కల్పిస్తుండగా అక్టోబర్ 28,29,30 తేదీల్లో ఈ పరీక్ష జరగనుంది.