సెంట్రల్ టీచర్ ఎలిజిబిలిటీ టెస్ట్ (CTET) - 2023

దిశ, కెరీర్: ఉపాధ్యాయవృత్తిని కెరీర్‌గా ఎంచుకునే వారి కోసం ప్రతీ ఏటా సెంట్రల్ టీచర్స్ ఎలిజిబిలిటీ టెస్ట్ (సీటెట్) నిర్వహిస్తున్న సంగతి తెలిసిందే. ఈ పరీక్షను సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) నిర్వహిస్తోంది. ఈ పరీక్షను ఏడాదికి రెండు సార్లు నిర్వహిస్తారు. తాజాగా జులై -2023కు సంబంధించిన సీటెట్ నోటిఫికేషన్ వెలువడింది.

పరీక్ష వివరాలు:

సెంట్రల్ టీచర్ ఎలిజిబిలిటీ టెస్ట్ (సీటెట్ జులై 2023)

అర్హతలు:

పేపర్ -1: 50 శాతం మార్కులతో పన్నెండో తరగతి ఉత్తీర్ణత తో పాటు ఎలిమెంటరీ ఎడ్యుకేషన్‌లో రెండేళ్ల డిప్లొమా (డీఈఎల్ఈడీ)/డిప్లొమా ఇన్ ఎడ్యుకేషన్ (ప్రత్యేక విద్య) లేదా డిగ్రీ, బీఈడీ ఉత్తీర్ణులై ఉండాలి.

పేపర్ -2: 50 శాతం మార్కులతో బ్యాచిలర్ డిగ్రీతో పాటు డిప్లొమా ఇన్ ఎలిమెంటరీ ఎడ్యుకేషన్ /బ్యాచిలర్ ఇన్ ఎడ్యుకేషన్ (బీఈడీ)/బీఈడీ (స్పెషల్ ఎడ్యుకేషన్) లేదా సీనియర్ సెకండరీతో పాటు నాలుగేళ్ల బ్యాచిలర్ ఇన్ ఎలిమెంటరీ ఎడ్యకేషన్ (బీఈఎల్ఈడీ)/బీఎస్సీఈడీ/బీఏఈడీ/బీఎస్సీఈడీ ఉత్తీర్ణత ఉండాలి.

అప్లికేషన్ ఫీజు: జనరల్ /ఓబీసీ కేటగిరిలకు రూ. 1000 (పేపర్ 1 లేదా పేపర్ 2), రూ. 1200 (పేపర్ 1, పేపర్ 2 రెండూ).

ఎస్సీ /ఎస్టీ/దివ్యాంగులకు రూ. 500 (పేపర్ 1 లేదా పేపర్ 2), రూ. 600 (పేపర్ 1, పేపర్ 2 రెండూ)

దరఖాస్తు: ఆన్‌లైన్ ద్వారా దరఖాస్తు చేయాలి.

చివరి తేదీ: మే 26, 2023.

సీబీటీ పరీక్ష: జులై 2022 నుంచి ఆగస్టు, 2023 మధ్య నిర్వహిస్తారు.

వెబ్‌సైట్: https://ctet.nic.in