భారత సైన్యంలో సోల్జర్ టెక్నికల్ నర్సింగ్ అసిస్టెంట్ ఉద్యోగాలు

దిశ, కెరీర్: భారత సైన్యానికి చెందిన చెన్నైలోని జోన్ రిక్రూటింగ్ ఆఫీస్.. అగ్నిపథ్ పథకం కింద 2023-24 ఏడాది నియామకాలకు సంబంధించి సోల్జర్ టెక్నికల్ నర్సింగ్ అసిస్టెంట్/నర్సింగ్ అసిస్టెంట్ వెటర్నరీ ఎంపికల కోసం అవివాహిత పురుష అభ్యర్థుల నుంచి ఆన్‌లైన్ దరఖాస్తులు కోరుతోంది. ఈ నియామకాలకు ఏపీ, తెలంగాణ, తమిళనాడు, పుదుచ్చేరి తో పాటు అండమాన్ నికోబార్, కేంద్రపాలిత ప్రాంతాలకు చెందిన అభ్యర్థులు దరఖాస్తు చేసుకోవచ్చు.

కేటగిరి: సోల్జర్ టెక్నికల్ నర్సింగ్ అసిస్టెంట్/నర్సింగ్ అసిస్టెంట్ వెటర్నరీ పోస్టులు.

వయసు: 17 1/2 నుంచి 23 ఏళ్ల మధ్య ఉండాలి. అక్టోబర్ 1, 2000 నుంచి అక్టోబర్ 1, 2006 మధ్య జన్మించి ఉండాలి.

అర్హత: 10+2/ఇంటర్మీడియట్ సైన్స్ (ఫిజిక్స్, కెమిస్ట్రీ, బయాలజీ/బోటనీ,జువాలజీ, ఇంగ్లీష్)లో కనీసం 50 శాతం మార్కులు, ప్రతి సబ్జెక్ట్ లో 40 శాతం మార్కులతో ఉత్తీర్ణులై ఉండాలి. శారీరక ప్రమాణాలుండాలి.

ఫిజికల్ మెజర్‌మెంట్స్ (ఏపీ,తెలంగాణ, తమిళనాడు, పుదుచ్చేరి): ఎత్తు 165 సెం.మీ, ఛాతీ గాలి పీల్చినప్పుడు 5 సెం.మీ విస్తరించేలా ఉండాలి.

ఎంపిక: ఆన్‌లైన్ కంప్యూటర్ ఆధారిత రాత పరీక్ష, రిక్రూట్‌మెంట్ ర్యాలీ (ఫిజికల్ ఫిట్‌నెస్ టెస్ట్, ఫిజికల్ మెజర్‌మెంట్ టెస్ట్), వైద్య పరీక్షలు,ధ్రువపత్రాల పరిశీలన ఆధారంగా ఎంపిక చేస్తారు.

దరఖాస్తు: ఆన్‌లైన్‌లో దరఖాస్తు చేయాలి.

ఆన్‌లైన్ రిజిస్ట్రేషన్ ప్రారంభం: ఫిబ్రవరి 16, 2023.

చివరి తేదీ: మార్చి 15, 2023.

పరీక్ష తేదీ: ఏప్రిల్ 17, 2023.

వెబ్‌సైట్: https://joinindianarmy.nic.in