తారక్‌ సినిమాతో జాన్వీ టాలీవుడ్ ఎంట్రీ?

దిశ, వెబ్‌డెస్క్: ‘బాహుబలి’ తర్వాత బాలీవుడ్‌కు తెలుగు ఇండస్ట్రీపై ఇంట్రెస్ట్ పెరిగింది. టాలీవుడ్ నుంచి కొత్త సినిమా ఏదైనా బ్లాక్ బస్టర్ హిట్ కొడితే చాలు ఏ మాత్రం ఆలోచించకుండా రీమేక్ చేసేస్తున్నారు. బాలీవుడ్ హీరోయిన్లు కూడా తెలుగులో నటించేందుకు అమితాసక్తి చూపుతున్నారు. ఇప్పటికే అలియా భట్ ‘ఆర్ఆర్ఆర్’ సినిమా చేస్తుండగా.. జాక్వెలిన్ ఫెర్నాండేజ్ ‘వకీల్ సాబ్’ మూవీకి కమిట్ అయినట్లు సమాచారం. అతిలోక సుందరి శ్రీదేవి కూతురు జాన్వీ కపూర్ కూడా తెలుగులో తెరంగేట్రం చేసేందుకు రెడీ అవుతోందని ఫిల్మ్ నగర్ టాక్..

యంగ్ టైగర్ ఎన్టీఆర్, త్రివిక్రమ్ కాంబినేషన్‌లో రాబోతున్న మూవీలో హీరోయిన్‌గా చేయాలని జాన్వీ కపూర్‌ను సంప్రదించారట. స్టార్ హీరో, స్టార్ డైరెక్టర్ కావడంతో సినిమాకు గ్రీన్ సిగ్నల్ ఇచ్చిందట. దీంతో వచ్చే ఏడాది జాన్వి టాలీవుడ్ ఎంట్రీ ఖరారైనట్లే. ఇంతకు ముందు కూడా విజయ్ దేవరకొండ పక్కన జాన్వీ చేస్తోందని వార్తలు వచ్చినా… అదంతా అబద్ధమని తేలిపోయింది. అయితే తెలుగులో హీరోయిన్ల కొరత ఎలాగూ ఉండనే ఉంది. ఈ సమయంలో జాన్వీ టాలీవుడ్‌కు వచ్చేస్తే … తల్లిలాగే స్టార్ హీరోయిన్ అయిపోవడం ఖాయమంటున్నారు సినీ విశ్లేషకులు. చూడాలి మరి.. జాన్వీ ఎంట్రీ ఇస్తుందా ? … టాలీవుడ్ స్టార్ హీరోయిన్ అవుతుందా? అనేది.

Tags: Jahnvi Kapoor, Tollywood, NTR, Trivikram