IPL 2023: కోహ్లీ హాఫ్ సెంచరీ.. ఢిల్లీ ముందు భారీ లక్ష్యం

దిశ, వెబ్‌డెస్క్: ఐపీఎల్ 2023లో భాగంగా ఢిల్లీతో జరుగుతోన్న మ్యాచ్‌‌లో రాయల్ ఛాలెంజర్స్ బెంగళూరు బ్యాటర్స్ రాణించారు. స్టార్ ప్లేయర్ విరాట్ కోహ్లీ, యంగ్ బ్యాటర్ మహిపాల్ లామ్రార్ హాఫ్ సెంచరీలతో మెరవడంతో బెంగళూరు 181 పరుగుల భారీ స్కోర్ చేసింది. ఢిల్లీలోని అరుణ్ జైట్లీ స్టేడియం వేదికగా జరుగుతోన్న ఈ మ్యాచ్‌లో టాస్ గెలిచిన ఆర్సీబీ మొదట బ్యాటింగ్ ఎంచుకుంది. ఆర్సీబీ కెప్టెన్ ఫాఫ్ డుప్లెసిస్ 45, కోహ్లీ 55, లామ్రార్ 54, దినేష్ కార్తీక్ 11, అనూజ్ రావత్ 8 పరుగులు చేయడంతో ఆర్సీబీ నిర్ణీత 20 ఓవర్లలో నాలుగు వికెట్ల నష్టానికి 181 పరుగుల భారీ స్కోర్ చేసింది. ఢిల్లీ బౌలర్లలో మిచెల్ మార్ష్ రెండు వికెట్లు తీయగా.. ముఖేష్ కుమార్, ఖలీల్ అహ్మద్ చెరో వికెట్ తీశారు. అనంతరం ఢిల్లీ 182 పరుగుల భారీ టార్గెట్‌తో బరిలోకి దిగింది.