ఈ రోజు జరిగే మ్యాచ్‌లో ఆర్సీబీ కచ్చితంగా గెలవాల్సిందే.. ఎందుకంటే..?

దిశ, వెబ్‌డెస్క్: ఐపీఎల్‌లో అత్యధిక క్రికెట్ ప్యాన్స్ ఆదరణ పొందే జట్టు ఏది అంటే అందరికీ టక్కున గుర్తొచ్చేది ఆర్సీబీ జట్టు. ఆ జట్టు 17 సీజన్లలో ఒక్కసారి కూడా ఐపీఎల్ టైటిల్ గెలవలేదు. దీంతో ఆ జట్టుకు సపోర్టర్స్ కొంచెం కొంచెంగా తగ్గుతు వస్తున్నారు. కేవలం విరాట్ కోహ్లీ ఒక్కడే ఆ జట్టును నెట్టుకొస్తుండగా 2024 సీజన్ లో ఘోరమైన ఓటములను చవిచుస్తూ.. పాయింట్ల పట్టికలో చివరి స్థానంలో కొనసాగుతోంది. ఈ సీజన్‌లో ఇప్పటికే 6 మ్యాచులు ఆడిన ఆర్సీబీ కేవలం ఒక్కమ్యచులోనే గెలిచింది. కాగా ఈ రోజు చిన్నస్వామి స్టేడియంలో సన్ రైజర్స్ హైదరాబాద్ జట్టుతో ఆర్సీబీ పోటీపడనుంది. ఈ మ్యాచ్ లో ఆర్సీబీ కచ్చితంగా గెలవాల్సిందే.

ఎందుకంటే మొత్తం 14 మ్యాచుల్లో ఇప్పటికే ఆరు మ్యాచ్ లు ఆడిన ఆ జట్టు కేవలం రెండు పాయింట్లు మాత్రమే ఉన్నాయి. కాగా ప్లేఆఫ్ రేసులో కొనసాగాలంటే ఆర్సీబీ మిగిలిన 8 మ్యాచుల్లో కనీసం 14 గెలవాల్సి ఉంటుంది. ఈ క్రమంలోనే ఆ జట్టుకు ప్రతి మ్యాచ్ విజయం తప్పనిసరిగా మారింది. ఒక్క మ్యాచ్ లో ఓడిని ఆర్సీబీ తమ ప్లేఆఫ్ ఆశలను వదులుకోవాల్సి వస్తుంది. మరి ఈ రోజు హైదరాబాద్‌తో జరిగే మ్యాచులో గెలుస్తుందా.. లేక ఎప్పటిలాగే ఓడిపోయి పరిస్థితులను క్లిష్టతరం చేసుకుంటుందా తెలియాలంటే మ్యాచ్ పూర్తయ్యే వరకు వేచి చూడాల్సిందే మరి.