IPL 2023: ఫ్యాన్స్‌ను ఉర్రూతలూగించిన రష్మిక, తమన్నా
ఓపెనింగ్ మ్యాచ్‌కు ముందు ఐపీఎల్-16 ప్రారంభ వేడుక ఘనంగా జరిగింది.
దిశ, వెబ్‌డెస్క్: ఓపెనింగ్ మ్యాచ్‌కు ముందు ఐపీఎల్-16 ప్రారంభ వేడుక ఘనంగా జరిగింది. నాలుగేళ్ల తర్వాత భారత్‌లో జరగబోయే ఐపీఎల్ ఓపెనింగ్ సెర్మనీ కావడంతో అహ్మదాబాద్‌లోని నరేంద్ర మోడీ స్టేడియానికి అభిమానులు తరలివచ్చారు. ముందుగా పాపులర్ సింగర్ అర్జిత్ సింగ్ ప్రత్యేక సంగీత ప్రదర్శన ఫ్యాన్స్‌ను ఆకట్టుకుంది. అనంతరం హీరోయిన్స్ రష్మిక మంధాన, తమన్నా భాటియా తమ స్టెప్పులతో అభిమానులను ఉర్రూతలూగించారు.
ముందుగా తమన్నా ఫుష్ప మూవీలోని ‘ఊ అంటావా మామ’ సాంగ్‌కు స్టెప్పులు వేసింది. ఆ తర్వాత రష్మిక మంధాన మెస్మరైజింగ్ డ్యాన్స్‌తో స్టేడియం హోరెత్తింది.అనంతరం నిర్వహించిన డ్రోన్ షో అభిమానులను ఆకట్టుకుంది. ప్రత్యేకంగా ఐపీఎల్ ట్రోఫీతోపాటు ప్రత్యేక డిజైన్‌లను రూపొందించడానికి 1,500 డ్రోన్లను ఉపయోగించారు.